مــــــــــــا نـــــــــــــا ســــــيك

[الدراجي 22]

ما ناسيك وانته ويانه موجود
والگلك نسوك احلف ظلمنه
ولأن حسينه بيك تظنه نا سيك
مثل هظمت يتيم احنه نهظمنه

الأم ويه المحنه تعيش عنوان
واذا گلنه غلط يعني كفرنه
وما ننساك والله شلون ننساك
وهم سامع بأم تنسه المحنه

دمع ماكو بعلمنه وعنده نجمات
وبچاهن من سمع جرحو وطنه
وهيچ احنه بچينه عليك العيون
مثل ما عل وطن يبچي علمنه

تعرف من عفتنه شصار ما صار
من اسم الفرح والله نحرمنه
ومثل لطم امهات يفگدن اولاد
هيچ احنه بغيابك ثق لطمنه

الوكت بوجودك احنه الي كسرنا
وكبرنه بعينه كلش ما زغرنه
وزغرنه بعين وكتك بعدك هواي
ولهذا السبب فر وكسرنه

من نحظن ثيابك حيل نرتاح
ومنحس بالتعب ويروح المنه
ولجل نرتاح من ألام الفراگ
أجينه بشوگ لثيابك حظنه

فظحنه الشامت بنص اليكرهون
وبكلمات توجع وك جرحنه
ناسيكم يگلنه وأحنه نرجوك
تجي وتزرف عيونه الي فظحنه

الحزن رافگ أهلنه امن الكواريك
وأهلنه اعله الدمع گالو كبرنه
وبحاله فقط صدگنه ننساك
أذا تنسه الدموع عيون اهلنه

الشاعر
احسان القريشي

[شوك الشفايف]

الله عليك وعلى هذا الاحساس والعهد الصادق..شكر لك..شوك..

[ام فيصل]

تعرف من عفتنه شصار ما صار
من اسم الفرح والله نحرمنه
ومثل لطم امهات يفگدن اولاد
هيچ احنه بغيابك ثق لطمنه

الوكت بوجودك احنه الي كسرنا
وكبرنه بعينه كلش ما زغرنه
وزغرنه بعين وكتك بعدك هواي
ولهذا السبب فر وكسرنه

صح لسانك ولسان الشاعر الرائع القريشي
كلمات اذابت القلب باحساسها الحميل
شكرا لك ولجميل تذوقك يالدراجي

ماننحرم هذا التواصل والعطاء
لك اطيب تحياتي عزيزي