ويقع من شاف حسنــــك في خبر كانه

[محتاره]

ترى الماشاف حســـنك مبتدء معروب
ويقع من شاف حسنــــك في خبر كانه
يلعــــــينك جزيرة وبيـــها بس غابات
ورمـــــــوشك علـــــــيها جنود سفانه
من طحنه بمــــــحبتك ماأغوانه إبليس
ولا شيطان وزنه وحســـــــنك أغوانه
سگيت اعيــــــوني منك يلجمالك ماي
وكلما أروي عيني تصـــــيح عطشانه
بيك الدنيا تحــــــــله وما نريد الموت
وبدونك لا أبد ماتســــــــــــوى دنيانه
شگد شفـنه سهر لمــــــن زعلنه وياك
غشـــــــمه وحيل بــــينه ومـوت لفانه
شلون إنـريد غيرك يــــــــــــل إذا مريت
نتـيـــــه ومانعــــــرف اشجانه ماجانه
مــن گــد غيرتي وحبي وحناني عليك
أغـــار اعليـــــك صدگ حتى مني آنه
إذا أخرس يشـــوفك من امـــامه تفوت
تنـــــــفك بجمالــــــك عقـــدة الســـانه
وإذا أعمــــى ويحس إجدامك تــمر بيه
يــــــــــشوف الدنيــــا منك بشر مليانه
وإذا جيــــت لبشـــــــــــر ما آمنو بلله
كل واحـــــد توضــــــــــه وشال قرأنه
صعـــــبه الدنيـــا تخلق مثلك إيگولون
وأكـــــيد الخلق حـــــــسنك الله سبحانه
على شفافـــــك شفت نحله وبديها سلاح
مخـــــــبوصه بصـــــدگ تطرد بذبانه
يللـــــــــــونك ثلـــــج بس داخلك تنور
آنه وگلبـــــــي منـــــك زاد بلـــــــوانه
آنه وگلــــبي بمــــرك والتريده إيصير
بــــــس انكون يمـــــك هذا مــــــسعانه
رادك گلبـــــي يمه حتى يبــــقى ايعيش
وحطك وســـــط دمه ونبـــــض شريانه
ولون حبـــــــي الك يـــــــــنذاع بالتلفاز
لذيعـــــــنه على شاشـــــات روتـــــــانه
يا أقـــــوى سحـــــر بيك وعميت الناس
إذا الذابـــــح أبـــــــنها ويـــــاك فرحانه
عـــــندي وياك خطــه انحمي بيها الگاع
ونحــــرر وطنــــــــه ونطـــــرد الجانه
على اعدانه تمــــشـى وطب معاهم فوت
والبــــــــس ثوب احمــــر وچفل أردانه
ومن تلــــعب بشــــعرك رايح إيدوخون
ونجــــي احنه بتــــــواثي ونكتل اعدانه

[الشاعر ماجد الدعمي]

شكرا اخت محتاره لهذا الاختيار الجميل والكلمات الرائعه
ارجو ان تكتبي اسفل المشاركه ان كانت بقلمك ام منقووول
حفاظا على حقوق الاخرين / تحياتي

[ام فيصل]

عزيزتي محتارة

قصيدة رائعة بمفرداتها ومعانيها
شكرا لك على هذا الإختيار الموفق
ودام لنا هذا التذوق
تحياتي لك

[ابو علي الصكر]

يا أقـــــوى سحـــــر بيك وعميت الناس
إذا الذابـــــح أبـــــــنها ويـــــاك فرحانه
000000000000000000000000000000000
هذا سحر البيان يا محتاره00
والله مايحير عبده0

قمه في الروعه00 اذا كان لك هذا النص فانت000
تلتفين بالقلب يا محتاره..

بأناقة محترفة.
صكر

[محتاره]

اح ــبابي

شكرااا لكم على مروركم العطـر

واكيد هالشعر منقووووول واسفه لان لم اكن اعرف اسم الكاتب

وانشالله عن قريب انزل كتاباتي

ودىى لكم