قبل لا تنتهي اللحظات... لحظة وياك خليني

قبل لا تنتهي اللحظات ...
لحظه وياك خليني
يا كلمه الجرت وي دم شراييني
يا أجمل حلم مر بجفن نعسان
كافي من الزعل ما بينك وبيني
يحلالك مراري وضيعتي بلياك؟
تنام انته رغد والنوم جافيني؟
تناغيني النجوم ويشتكيني الليل
وكطرات النده ويالفجر تشكيني؟
حلال النوم الك بس انه لا ممنوع؟
شما غمّض جفن طيفك يصحيني
يندهني ويهدهد بيده غصن الياس
ويزرع صورتك كوه بوسط عيني
خالي البال انته وما عشكت بيوم
وانه العشك هدني وجاس بسنيني
خالي البال انته وما يمسك ضيم
واني الضيم والتفكير سابيني
مأذيني غرامك واشكي من الشوك
هم عندك دوه وتكدر تداويني؟
يالماخذ حياتي وياك وين اتريد؟
مل مني السفر المن موديني؟
ماضلت جزيره ولا وطن مهجور
الا وركزت بيهن نياشيني
بس حرت ويطبعك ماعرفتك نوب
مره اتكرب ومرات تجفيني
يا حلو الشفايف كلي تالي وياك؟
تغركني ويبحرك ما ترسيني؟
لوردت البعد اخذ الكلب تذكار
كل دكة كلب بسمك تناجيني
وبضعه بمشرطك وتعلم التشريح
وكلهم هاذ كلب انسان هاويني

يلتنشد عن الدوه دور على الداء
صح انه خبير الام وجربتها من الالف للياء
لكن علتك صعبه لانك عاشق النجلاء
يمكن الالم صح يوجع صاحبه
لكن ضنينك لايحه من وجعك اشياء
تعاتبني عيني تنام وعينك ساهرة البيداء
حشى ماغمضت عيني الا على دمع
يوم نازل ويوم صاعد العلياء
داوي جروحك بكفك احنه بزمن غير
انت تسكيني دمع وانا اسكيك من وجع
هالدنيا عناها والشقاء

بقلمي

عذرا للمداخله ولكن كلماتك في قمة الروعة تحياتي لك يامبدع
مع كل الحب

مالي يفاتن دوه ... والعلة ما تنشال
كتال هاذا الجرح لن جارحي كتال
وجمالة بيده الدوه
ويدري بردات الحال
لامن يهزه المضى
لامن جروحي شال
قاسي بقساوة صخر
وعنودي ثكل اجبال
مكتوب الي هالعشك
خطه بجبيني الدهر
مكتوب يمضي ويمر
بالعلة هاذه العمر
لو ردت اطلبه الدوه
جني اطلب من الكمر
يضويلي ساعة بدر
وهوه بأخير الشهر

الاخت العزيزة فاتن اسعدتني جدا المداخله الجميلة وشكرا جزيلا لكلماتك الرقيقة

[الشاعر يوسف الذهاب]

حلال النوم الك بس انه لاممنوع
اشما غمض جفن طيفك يصحيني
احسنت قصيده رائعه

الرائع هو انت اخي العزيز يوسف ... وما خطته اناملي لا يقارن ازاء ما ابدعت وتبدع كل يوم
مع شكري الجزيل لتعطيرك هذه الصفحه

يا كلمه الجرت وي دم شراييني
يا أجمل حلم مر بجفن نعسان
كافي من الزعل ما بينك وبيني
يحلالك مراري وضيعتي بلياك؟
تنام انته رغد والنوم جافيني؟
تناغيني النجوم ويشتكيني الليل
وكطرات النده ويالفجر تشكيني

تحياتي يا مبدع انتظر جديدك بشوق

[أحمد الكعبي]

الله عليك أخي الغالي كلام أكثر من رائع
فقد جرفني سيل يراعك الهادر
وأوقفتني صياغة حرفك الندي
وافر تقديري واحترامي

شكري وامتناني اخي العزيز الامير سامر والاخ العزيز foraten.net/?foraten.net/?foraten.net/?foraten.net/? الكعبي شرفني مروركم وردودكم الرقيقة
جزيل شكري وتقديري لكم