ابوذيات لاحلى اعضاء

يا دنية بظيمي وبشكواي حسي
وعن وجهي غبار الظيم حسي
أريد أصرخ وصيح بعلو حسي
يمته إتحسين يادنياي بية


مثل الجمر يادنية من أهلة
وصَدكَ كل سبب حزني من أهلة
مدري الظيم من عندة من أهلة
صفو هُمة وظلم هجرك علية
**************


جرح الكَلب من سنين يدي
وكَصيرة وماتنوش الفرح يدي
عرفت الظيم وآنه بظهر يدي
أكَول أسود شعر والشيب بيه
***********

وحشني حبيبي الشوفتك كَلبي وحشني
وحبك كَطع إكَليبي وحشني
زماني الجابني البابك وحشني
سنة أعله الباب ماتطلع عليه


الدنيه أشكم ظلع لجلك بجتلي
وأنته إشبيك تتباهة بجتلي
بجتلي إعداي والغربة بجتلي
ولا مرة بجيت أنته عليه
************


شنو رأيكم مع تحياتي مغرمة حسام الرسام

[صكر الأميره]

تسلم الايادي التي خطت هذه الكلمات الجميله 00
حقيتا ابيات كلش حلوه000

يهل تنشد عليه بشته وان حر

جفه عني وليفي وراح وانحر

انذرت للله ذبايح وان حر

اذا دهري يجيبه النوب اليه
00000000000000000000000
برجين بوسط كلبي ورادار0

انصبت وشما يدورالحب ورا دار

انه اتمنيت دار البيه ورا دار

تسكنه انته وشوفك كل مسيه

[ذيب الغزالية]

وخرووووووووووو

وخروووووووووووو

طلقتين للحضور

طباااااااااااا طبااااااااااا

أبوذيات اتخبل

عاشت ايدج خيتي


أخوج : عمر الحجار أبو الفاروق

[صكر الأميره]

ابيات حلوه ورائعه جدا ننتظر المزيد 00
ارق المنى والتحيه المعطره0000000000
بخت يزداد حتى اوصلك ونالك

يحلو الطول اليه انت ونالك

ما تدري اشكثر كلبي ونالك

ابصباحه عليك واكثر بالمسيه

الصكر

[سلام الدراجي]

رد على ابوذيه من اهله

طلع والعين تومي اله من اهله
سجن وظلام انه بوجهه من اهله
اثاري الصوج مو منه من اهله
يحب يحجي ويمنعونه عليه

تعتني الروح مره ومره اتلها ليالي هواي صعبه مرتلها همر روحي انا تاهت من رتلها تعال انكلب عبوه وطك عليه

كصت شعرها الخللك بس مو مثل كصتك
وماشفت بين البشر طولك ولا كصتك
جن انت ولا انس كلي شنو كصتك
عجبني طيفك معاي يبات عجبني
وكلمااروح بدرب الكاه عاجبني
تدري انت شنو الكتلني بيك وعاجبني
عاجبني كلك حلو من جدمك لكصتك

مفتون بيه شعجب من جدمه لكصته
هذا اعتناء الخلق في خلقته وكصته
عندنا ترى معجزه من يوسف وكصته
من يوم شاف الحسن همت به وهم بها
واخبرت كل البلد من شافها وهم بها
مدري زليخه ترى نور وحسن هم بها
فرعت وجه الذي للصبع ترى كصته