ابوذيات متفرق بين سني وشيعي ... تعالو شوفو

جبتلكم ابوذيات ... ماتفرق بين سني وشيعي
تعالو شوفو شلون .............

اعلن يا گلب حبك وشيعه
واتبع راي كل مخلص وشيعه
عيب حچاية السنه والشيعه
الوطن لاهل الوطن كلهم سويه

انا الشيعي الحزين ابزغر سنـــــــي
اعض ايدي ابندم ونكسر سنــــــــــي
من صار الجتل شيعي اعله سنــــــــي
ولمحتل أمنيته اصبحت هـــــيه

يا امريكا المخطط ضاع وتشتت
ويا بوش النذل همك التفريق وتشتت
ترة الشيعي سني بعدة ما تشتت
عراقيين مو بس بالهوية..........

وان شاء الله نضل ايد وحده للابد سنه وشيعه وكل الاديان الاخرىلانو احنه عراقيين للابد مو بس بلهويه
اتمنى تعجبكم اختكم
حبيبة العراق

[غفران الحزين]

شكرا على الابوذيات الجميله

واحنه العراقين اخوه سنه وشيعه وعرب وكرد ومسيح




وحق التعبده شيعه وسنه
ذوله الحرموا نومي وسنه
عليك اسيوف جردنه وسنه
علمك يلعبدت اشميت هيه

[ابو علي الصكر]

حبيبة العراق المحترمه 00

والله كلش عيب هلتسميه الجديده الي دخلت علينه واحنه نعرف مصدره كلش زين انشاء الله نضع لها حد اذا توحدنه بالكلمه و الفعل 0000
كلنه عراقين وما واحد يكدر ايفرقنه
ودمت بعز وموفقيه

[@عراقية@]

االله يسلم هاللسان صدقتي اختي والله يكثر من امثالك اللي يعرفون انه هذا كله تظليل للحصول على مآرب دنيئة