صدكني ماناسيك دوم اني مشتاك
الكلب ويه الروح ذاب من الفراك
نامت كلوب الناس بس كلبي مانام
كل دكه بيه ايصيح ياويلي من الايام
تنسه اليحبك ليش وتعيشه بهموم
تدري بسبب فركاك ماشايف النوم
اصفن وحاجي الروح وين انته عني
سم بالكلب فركاك حط وكتلني
صدكني ماحبيت بس انته حبي
يم الضلع موجود يعني انته كلبي
اتمنى كون وياك وغفه عله صدرك
وابقه العمر سكران من اشم عطرك
انته النبض بالروح وي دمي تجري
غيرك فلا حبيت بس الله يدري
كلش قليه وياك كلمت المشتاك
خلصت تراها الروح من كثر الفراك
لعيونك اني اشتاك صدكني يهواي
من فركتك لليوم ماشارب الماي
صدكني نار الشوك تصعد للعيون
والفركه يابذات خلتني مجنون
هم قهر هذا هواي وهم قهر الايام
فوكاها عيني اتسيل ماتقبل تنام
عذبني درب الشوك كلش كظاني
خلاني بس بالثوب لمن رماني
ياعيني من تبجين خل ينزل دموم
حتى الكلب يرتاح مايبقى مهموم
لوتدري نار الشوك من تلهب شلون
تحترك كل عضاي وتوصل للعيون
شوف الزمان شلون سواها بيه
خله الكلب والعين يبجن سويه
ــــــــــــــــــــــــــــــــــــــــــــ
بقلم الشاااااعر
كرار المعذب