دارميات جديدة وحلوه لخاطر اعيونكم الغالية

[عمار الغزي]

أنت أول ألحلوين متصدر ألكل
حتة ألمرارة ألبيك هم حلوة تكتل
_________________
تضحك علي أدريك بس حالة بية
أضحك وأصير وياك وأضحك علية
_________________
تدري آنة شتمنيت ساعة ألشفتك
كل جسمي شفة يصير وألزك بشفتك
_________________
يل ردت عني تروح روح بسلامة
بس عدنة راح يصير يوم ألقيامة
_________________
عالحشر تنشد ليش ماتدري يمتة
ألحشر عدنة يصير من تزعل أنتة
_________________
ضلمة وخطية ألناس تعثر بالدروب
بس أنت كلشي تشوف شي وجهك كلوب
_________________
لاتظن واحد يوم غيرك عشكتة
ولو يوم أحب أثنين هم أنتة وأنتة
_________________
مفتوحة بس متشوف غيرك عزيزين
ومغمضة وتحس بيك وتشوفك ألعين
_________________
وألحسن أحلف دوم ما بعد أجيكم
وأوصل لحرف ألنون وأرجع عليكم
_________________
لو فد سباق يصير ياهو أجمل ألناس
ونذب عليك تراب هم تاخذ ألكاس
_________________
إبكل حلو لولة تصير بس شحجي عنك
صارت أللولة ألبيك حتى أحلة منك
_________________
ألصايم يتاني ألعيد لهلالة ينطر
بس آني أصوم إعليك وبجيتك أفطر
_________________
رغم ألبعد ياصاح شخصك حضنتة
أحجي أوية روحي أليوم حسبالي أنتة
منقول

[عراقيه غيوره]

اخي جميله جدا ولكن يصعب على الشخص ان يقراءهها

اخي ممكن اسوي لها تعديل ورتب الكلمات

وجزاك الله خير
وننتظر منك المزيد

[ام فيصل]

احسنت ياعمار
وصح لسانك عزيزي
باقة من الدارميات الجميلة والإحساس الأجمل

شكرا لفيض مدادك وتحياتي لك

[عمار الغزي]

شكرا لكن خواتي الغاليات على هذه المرور الكريم لكن مني كل الحب والاحترام

[شاعر غرام]

اخي عمار تحيه عطره

بيت الدارمي شطر وعجز
وانت امخلي كل واحد أبكتر
صعبه علينه قرائهن
ممكن التعديل وسلام

[محمد السوداني]

وألحسن أحلف دوم ما بعد أجيكم
وأوصل لحرف ألنون وأرجع عليكم
_________________
لو فد سباق يصير ياهو أجمل ألناس
ونذب عليك تراب هم تاخذ ألكاس

بيت اروع من الثاني
والله وعاشت ايدك وصح السانك باقة رائعة وجميلة من الدارمي
ومشكور وماقصرت
وتقبل تحياتي وارجو منك اخويه الغالي الاهتمام بالملاحظات التي يضيفها الاعضاء بردودهم

[هاشم نجم]

باقه روعه من الدارميات
الى مزيد من الابداع والتألق
تحياتي

[همس الغروب]

الله الله
تسلم الايادي خيو
دارميات روعة
تحياتي عســـــــــول