ابوذيات عالجرح

[M!Ss 56ERA]

عقده اصبحت كلبك وماتحل
وسألك سؤال الحب وماتحل
وكلك حل عن كلبي وماتحل
خوبن صرت لزكه وجلبت بيه


التكرهه العين روحي تريد كطعه
واليجابهك احكم على الراس كطعه
وانجعت بالحب خ من كلبي كطعه
ون مكفت خذ من الكبد شويه


حبوب حبك مابقن بيه ولاحب
لاكره شفنا من كلبك ولا حب
لاترمزمن نهرك روانا ولا حب
وانا المتأمل منك رافد اليه

بالحب انت مليان واحنه خوالي
وتحسبلك الايام الحلوه وانا الخوالي
عمامك ابد ميوكفولك وانا خوالي يروحولي فدوى لحد المنيه



ياترف بعد ماشيلن قهر ولاهم
لااحنه رضينا بحكمك ولا هم
ارد اصيرن من جنودك وولاهم
ايكون الجنابك حد المنيه


بالحب اركض وراك وجاريك
وجيب بيتي يم بيتك وجاريك
اعزم منطقتك كلها وجواريك
وكلهم جاري محجوز اليه


ربيع انت وانا جيتك رحله
كلبك صفى صف وانا بيه رحله
جيراني اطلعه من بيته ورحله
ونكعد بيته اثنينه سويه

متكفيني بمدحك صفى ولاسمه
ولايبعدني عنك كاع ولا سمه
لااسمي جى بالحب ولا سمه
وانا المتأكد من حبه اليه


لجلك وكفت ناس وساده
وشربوا الكهوه مره وساده
شحطولك افراش جودليه وساده
لو يشيلوهم وتنتجي عليه


حجي الناس عذبني واذاني
تحملت وسديت حلكي واذاني
اظل للموت احبك واذا اني
تركتك فلا كون ابن ابويه


لجلك اعوف الناس وخاصم
وليجابهك اعتبره ند وخصم
كلبي للبيع وانت لك خصم
من عندي ميه بالميه


احلف يمين حجر كلبك مو عظل
قهري مو عراح من عمري عظل
ناس تموت ورى مرض عظال
وانا الي يموت من ورى ابنيه

حالتي وصلت اخذك لوبحظن رجلك
كلبي بالعشك ياما خفق ورجلك
اترجاك و بوس ايدينك و رجلك
اتشاور كلبك خل يحن عليه

{ اتمنــى تعجبكم ~

[محمد السوداني]

لجلك اعوف الناس وخاصم
وليجابهك اعتبره ند وخصم
كلبي للبيع وانت لك خصم
من عندي ميه بالميه


مجموعة رائعة سلمت اناملك 00 مسز خطيرة نطمع بالاروع >> يامـتألقة

تحياتي ومودـــــــــــــــــــــــــــــــتي

[الشاعر ماجد الدعمي]

خطيره
شكرا للباقه الرائعه
ولجهدك المميز
تحياتي

[ام فيصل]

مشكورة حبيبتي

مميزة دوما باختياراتك

مجموعة حلوة من الأبوذيات - عاشت ايدج
وننتظر المزيد

[M!Ss 56ERA]

شكرا لمروركــم و ردودكم الحلووة

منوريين الموضووع حبايبي

تحياتي لكم جميعاً