قصيدة حبيبة اتحاجي حبيبة عن الفراق

صدك تقبل حبيبي لغيري هسة تصير؟؟

'وصدك مليت مني وبعد متحبني؟؟

وصدك هانت عليك اسنينه الحلوات

وما هانت عليك شلون تتركني؟؟

من يمته المذاهب نحسبلها حساب؟؟

ومن يمته الطوائف جانت تهمني؟؟
أنه لمن عشكتك ما سألت الناس

ولا جنت ادري اصلك شيعي لوسني

شجاك تغيرت وبكلبك انته شصار؟؟

جنت تموت بية وجنت تعبدني

وجنت اتنفسك وانته الهوه بدنياي

وجنت لو تبتعد لحظات .. تخنكني

معقولة الورد ينكر جميل الماي؟؟

وانته بهالسهولة تنازلت عني؟؟

اعجز اقيسك بيش صعبة انته تنقاس
ظاهرك مثل الناس بس داخلك ماس
الله على هذه الكلمات الرائعة

[محمد السوداني]

تحياتي الك اخي العزيز قصيدة رائعة بكل معنى الكلمة
تقبل من كل الاحترام والتقدير ونطمع بالمزيد من نزف قلمكم لاتقطع بنا
تحياتي

[ام فيصل]

رائعة كلماتك ياشاعر العراق


اهنيك على هذا المداد -- لاحــُرمنا ابداعك

تقبل مروري

[حيدر القريشي]

ابداع اقسم انه ابداع
اخيار للكمات موفق وجميل ومتناسق
تحياتي يا شاعرنا يا ابو شهاب
تحياتي

اشكركم من اعماق قلبي علة هذة الردود الجميلة بجمال قلوبكم

[فقير كلش]

أبو شهاب هاي الك تحية جبره من اخوك العراقي

وشكرا