كلمات اغنية كل ليلة وكل يوم ...لام كلثوم

[عاشق هواك]

مهداة الى من كانت تملؤني بكاملي حبا وحنانا ... الى تلك الروح التي افتقدها كثيرا ...واظنها لن تعود ابدا ...الى ذلك القلب الذي كان يشع القا وطيبة ...وتغير اليوم فسبحان من لا يتغير ...الى من كانت واحدة وتملؤني سعادة واليوم اصبحت الفا وتملؤني الما وظلما ... الى التي يأست من عودتها ...الى حبيبتي الغالية خ

قول لي ايه حلو في حياتي ... وانت غايب عن عينيه ؟
السهاد انا فيه ليلاتي ... والبعاد طول عليه
يا حبيبي انا من كتر اللي قاسيته وداريته عليك
موش بصدق اني اتحمل في يوم فرحه لقا عينيًّ بعينيك

يا ترى يا واحشني بتفكر في مين ؟
عامل ايه الشوق معاك ؟ ... عامل ايه فيك الحنين ؟
سهرت السهر في عنيه ... صحيت المواجع فيه
كل ساعه وكل ليله ... وكل يوم بعد ما اطمن عليك
ح يجيني نوم يا حبيبي

---

كل نار تصبح رماد ... مهما تقيد
الا نار الشوق ... يوم عن يوم تزيد
ابعت لي قل لي ... انت فين لو تقدر
بستني منك ... كلمتين مش اكتر
يطمنوني حبهْ عليك وع المحبه

يا ترى يا واحشني بتفكر في مين ؟
عامل ايه الشوق معاك ؟ ... عامل ايه فيك الحنين ؟
سهرت السهر في عنيه ... صحيت المواجع فيه
كل ساعه وكل ليله ... وكل يوم بعد ما اطمن عليك

ح يجيني نوم يا حبيبي

---

كان قربك هنا وحنيه ... وليالي جميله هنيه
طار بي الامل بجناحه ... ولمست النجوم بايديه
وف بعدك يا عيني عليه ... الدنيا بقت موش هيه
وافضل كده يا حبيبي ... استنى الليالي الجايه

يا ترى يا واحشني بتفكر في مين ؟
عامل ايه الشوق معاك ؟ ... عامل ايه فيك الحنين ؟
سهرت السهر في عنيه ... صحيت المواجع فيه
كل ساعه وكل ليله ... وكل يوم بعد ما اطمن عليك
ح يجيني نوم يا حبيبي


كلمات: مأمون الشناوي
الحان: بليغ حمدي

أغنية جميلة
من قلب أجمل
يسلمو الذوق الرائع
ودى وورودى
لك عاشق هواك