العراق آنه .........للشاعر بشار الشداد الحياوي

[ابو عقيل]

هذا آنه العراق العالية اجاده ولا مية تتار الهدمت عرشي
بنيت اول مدينة بحضرة التاريخ باللبنة و الطين الحري و الفرشي
نقشت اول حرف بالقلم عالقرطاس و تباهت الدنية بحرفي او بنقشي
آنه الجامعة العلمت كل الناس ومن عندي خذت هاي البشر كل شي
آنه ابن الأئمة الشرفاني الدم و على ترابي انحنه جبين الدهر مغشي
آنه ابن الفرات و دجلة و الغراف و بين الطين و الماي انشتل هرشي
آنه ابن النخل والهور و البردي وانكصت الايد الحاولت حشي
انه ابن المضيف الماغلك بابه و من زاده الأخو و الضيف متعشي
زادي الدولمة و الباجة و المسكوف بماعوني اللبن و التمر و الطرشي
لا تشمت يشامت لو طحت مصيوب ارد اوكف بحيلي اركض او امشي
اضل بهلول ربعي وما اطخ للغير آنه امر الدنية التمي و انطشي
و الظنوا متت خليهم يشوفون أشك بيدي الجفن و تخندق بنعشي

[الطاووس البلداوي]

اخي العزيز
شكراً لروعة احرفك
وجمال عطائك
كلمات تحمل الكثير
من المعاني الجميلة
تحياتي

[كبريــاء رجـل]

الله عليك اخي ابو عقيل على نقلك الجميل قصيده روووعه تحياتي الكـ

[ابو عقيل]

شكرا للاخوة الاعزاء البلداوي الغالي
وكبرياء رجل المحترم مروركم اسعدني كثيرا

لك التحية اخي عالمشاركة التي اعتبرها روعة لانها كتبت باسم العراق العظيم

[ابو عقيل]

اشكرك يا امير
هذا من ذوقك نلتقي على مواضيع جديدة انشاء الله

[ابو عقيل]

الاخوة الاعزاء و الاصدقاء
ورد خطا في بداية القصيدة (العالية امجاده ) بدلا من ( العالية اجاده )


























0

أبو عقيل
صح لسانك وعاشت الأيدي
تحياتي