قال شاعر عراقي وهو يتغزل لحبيبته قائلاً
يانشــــوة دفو بليل الشتا البردان **** ويا اول عواطف كحلت رمشـــــــي
شو طبعك مثل طبع العراق وياي **** اني انطيته كلشي وماخذت كلشي
******
اجابه الشاعر foraten.net/?foraten.net/?foraten.net/?foraten.net/? رفيش قائلاً
يالتحجي وتكول ابكلشي انت انطيت **** شنطيت الوطن يالتحجي انت بزود
واتوضح الحبيبك انت الــــة ضحيت **** بانت علتك بالكلتة ما مـــوجــــود
لون هذا التكولة وبيـه صحة ويــــاك **** ماعافك حبيبك دون هجر وعـــــود
واضح بيك بين كل دغـــــش يا صاح **** من وعودك اصلا صارت بلا جـــــود
يالسرجك دغش واضح لجـــام البيك **** ماتوفـــي البلادك والبلد مكــــرود
ولك هيهات توفي الدمعة من عينـك **** لجل ارض العراق وروح صير حــدود
توكف ادري انت اتخاف مـن حــــدة **** لان تدري العراق بزودة يجرف هـود
وعافك كل عشكتة وراح منك طيــف **** وكل حاضر يجيلك هم يطيـــر ردود
لا تتغزل انــــــــت بذلــــة اترابك **** شنهــو الصـــار منك للوطن مردود
اتغزل حبيبي وصير شاعر حال **** هم اوزن كــــــلامك باللحن بالعــــــــود
.............. تابع بغير قافية.............
لاتعلن ابــــد بالتضحية البيــــك ***** خصوصـــاً للوطن لاتعلن واياك
لان لو تبنــي من دمك نهر سيال ***** لاجل الوطن ماتوفي من عيناك
بـــس ثمن وطنة بغيرة تســــعر نـــار **** ولتوصفة ابغزل والكلب ما حيـــــــاك
يســــتاهل وطنة انقدم احنة كلــــوب **** وتتحزم تكوم بيوم لو ينخــــــــــــاك
حريمة اتكول اني انطيتة كلشي ودوم **** منة ماخذت كل هذا لجل ارضــــــــاك
اذكر للحبيب ابحبك اصل الشــــــوكَـ **** ولا تقهر وطنة بكلمة ما ترجـــــــــــاك
اذكر للحبيب وكلة كلشـــي اتريـــــد **** كلة بحالك وكلة اشجرة بجفـــــــــــــــاك
كلة ابسط كلام اقوى معانـــــي البيه **** كلة الوردة تروة من ضماها ويـــــــــاك
كلة الشمعة مطفية وظـــــــلام يصير **** وتنور الشموع بيوم حن ملكــــــــــــاك
كلة انت الذهب والذهب بيــك اوزان **** كلة انت العمر والعمر ضل يربــــــــاك
كلة انت العسل والعسل يحلـــى بيك **** يالاصلك عسل حتى العسل محــــــــلاك
يا احلى وارق من كل حرير الصــــــار **** ويا اجمل شفايف صارن ابــــلا فــــــــاك
اذكر واحلى اكثر بعد للمعشـــــــوك **** بس لتوصفة بوطن .. !.. تاج الوطن سواك
*********
الشاعر foraten.net/?foraten.net/?foraten.net/?foraten.net/? رفيش
غزل ..... ولكن ؟ جواب شاعر ..... للشاعر foraten.net/?foraten.net/?foraten.net/?foraten.net/? رفيش
رد مع اقتباس
رد: غزل ..... ولكن ؟ جواب شاعر ..... للشاعر foraten.net/?foraten.net/?foraten.net/?foraten.net/? رفيش
