الدار للبيع

**عتابي** · 12-09-2010

على الحايط كتبنه الدار للبيع

وبروحي انعلن مزادك وصاح

وانه لجلك بعتهن حتى الهدوم

ومشت بيه السفينة بغير ملاح

اقفلت عمري وعفتني بوعد جذاب

وكلت باجر اجيب وياي مفتاح

مريض ابمحبتك وامتاني اتعود

اوبفراش المنية اصبحت سباح

سالوفة عشك بين الشماته انصير

او ودها اتهد عليه هدت ارماح

فدوه للعزيز اتروح البيوت

ولا اسمع يكلولي حبيبك باعك وراح

منقول

**طالب الناصري** · 12-09-2010

الله كم جميل مانثرت
حبيبي العتابي ودي

**الكناري يونس الجبوري** · 13-09-2010

للأمانة الادبيه حبذا لو تكتب كلمة منقول اخوي العتابي في المرات القادمه

**الشيخ ابوحيدر** · 13-09-2010

احسنت الاختيار يالغالي
جميل هذا الذوق العذب
والرائع تقبل مروري

**عتابي** · 17-09-2010

شكرا للمرور الطيب .. وان شاء الله اكتب منقول .. شكرا للتوجيه .

**السومري71** · 18-09-2010

عاشت الأيادي على هذا الأنتقاء الجميل
مع خالص تحياتي

الملف الشخصي · 18-09-2010

ذوق جميل في الاختيار
تحياتي لك
يا غالي

**شوك الشفايف** · 20-09-2010

شكرا يا غالي ..مع حبي وودي

اذا لم تكن لديك عضوية معنا, اضغط هنا لتسجيل عضوية جديدة مجانا!