اسكت احسن..ارحل احسن

[عبد الجبار سبتي]

أسكت احسن
لو عاتبتك اجرحك
ارحل احسن
لو بقيت اسمعك
كلام ماهو بكلام
يمكن حتى يمنعك
من المنام
اني عندي
المحبة وفا واخلاص
طيبة وتفاني
ما يهمني شتكول الناس
ولا اي كلام
ما ابخل بروحي لو فديت بيها الحبيب
اعض على جروحي
واعمل من نفسي طبيب
فدا الغرام
تعتب انته ؟
والله ماهو بغريب
تجرح انته
وتنتظر جرحي يطيب
والله حرام .. وشي عجيب
اسكت احسن

[عقيل كريم الشويلي]

اني عندي
المحبة وفا واخلاص
طيبة وتفاني
ما يهمني شتكول الناس


كلمات جميله جدآ تقبل مروري يارائع

[ابو فاطم]

الله
رائعة جدا اخي عبد الجبار
دمت متالقا ..
ولك خالص التقدير

اسكت احسن لتعاتبني
هسه اني ابحبك حيران
كل كلماتك هاي باذني
كل ليلي وياه سهران
مره اكولن بعده يحبني
من عتبه مبين ندمان
شفت عيونه بيهن بسمه
وشفافه شفاف العطشان
عطشان لبوسه من شفافي
تنسيه كل ذاك الحرمان
لو يمشي وياه ياخذ روحي
واني باقي نص انسان
يمي ابقه مروتك لاتمشي
لتزود غطه الغركان
تحياتي لك سلمت اناملك
تقبل مروري

[اشجان]

سيد عبد الجبار كتبت أحرفا لها دلالات ومعاني لكل من يعي الحياة ويفهما

نجيي أنفسنا أننا كسبنا يراعا بمثلك

مدائن تقدير

ولتكن صفحتك

للرحيل والصمت

[أنثى شرقية]

الصمت رحلتي القادمة
فالبصمت اريح النفس والقلب سويا

عبد الجبار السبتي
ابدعت في صياغة تلك الحروف
ننتظر جديدك دوما
تحياتي

[عبد الجبار سبتي]

ما كسبته انا في هذا المنتدى يفوق كثيرا ما كنت اتوقعه
فقد كسبت وقبل كل شيئ اناس بحجم جبال تتلألئ طيبا وكرما ومشاعرا واحاسيس
اخوة واخوات يضمدون الجراح ويشدون على ايدي بعضهم البعض
ما وجدته بين صفحات المنتدى لا يمكن ان يقيّم بأي شئ اخر , ولا ادري بأي صفة اتحدث اليكم, ابصفة الاخوة التي وجدتها تنبض بالحب والمودة للجميع , ام بصفة الجريح الذي وجد خير ضماد لجرحه وخير دواء لدائه ,اشكركم جميعا كل الشكر

دمتم ودام تألقكم
ممنون من الجميع

[نورا نورالدين]

المحبة عندي محبه النفس والروح وليست محبة مال فالمال زائل والروح باقية