مااجيت

[مسره]

صرت نار الفوك نار وانت ابدن مااجيت
مادريت اشلون مطشر ورد فوك دربك مادريت
سهرت الليل اكتب حروف العشك يلماصفيت
ارسم عيونك عله شفافي قصيده من جفيت
مكاتيب العتب وديت ولا مكتوب من عدهن قريت
وياعجيبه العشره عندك مثل مزنة صيف اشلون يمعود نسيت
هديت الشوك كل الشوك وانت ولا مره هديت
بعد الحمل ماطاح مشدود ويه حيلي ليش عني اتنكريت
تلاكيني بصباح العيد مريت عليه ماسلميت
والحبل بينك وبيني انكطع وانت العلى نفسك جنيت
وعكب كل ذاك الوصل ياوسفه كلبك صار للغير ونسيت

[حيدر القريشي]

قصيده جميله بس الصراحه ينرادلها شويه تنقيح بالوزن
شكرا لكي على ما تكتبينه من ابداع متواصل
وتقبلي تحياتي

[ام فيصل]

وأنه مع الأخ العزيز حيدر

في شوية خلل بالوزن عزيزتي

بس مايهم ننتظر المزيد منك -- تحياتي

[مصطفى المالكي]

مسره
شكرا على ما قدمت هنا
بنتضار جديدك
استمري فنحن لك متابعون
تحياتي

العراقي

قصيده جميله ماتعودنا عليك مشاركه بمنتديات الشعر
هذا ليش مااجه؟
يجوز الطريق مسدود عبوه والا شي!
تعرفين هاي الايام صايره هوسه
تقبلي مروري

[مسره]

شكرا لمروركم جميعا
تقبلو تحياتي

[مسافر بلا عنوان]

قصيده رائعه
كلمات جميله
ننتظر جديدكي
شكرا
تحياتــــــــــــــــــــي

[محمد السوداني]

سلمت اناملك يامتألقه دائما
كلمات جميله جدا اتمنى لك المزيد من الابداع
ننتظر مميزك القادم
تقبلي تحياتي