مو غريبـــــــــــــــــــــــــــــــــــــه

[الشاعر ماجد الدعمي]

مو غريبه ..
وانت مو اول طيف يطلع من جذب !
وانت مو اول ضحكه مبيوكه بحياتي
هواي كبلك ياما ضاعت
هواي كبلك ماتنحصي ولاتنحسب
مو غريبه ...
من يجيني الليل ويفك بيبان صدره
انه ابجيله بكثر ما بيه نجوم
وانه اسافر وي كل صوت وبيه غربه
وازرع بدربي اشواك بيدي
ومن اشوفك يوم تضحك
هذا عيدي ...!
ومو غريبه ...
وروح والدنيا شكبرهه
وباجر اردود انتلاكه
ومن نرد نتلاكه باجر من جديد
راح اسولفلك سوالف
ما اظن سامعهه كبلي
وراح اشطبنك بيديه
ويبقه صافي حتى عكلي ..
وافتح عيوني مواني ووين ميعجبك تسافر
روح سافر ....
انه شفت الليل من طاح اعله بابك
وخاطره المكسور ما مره جبرته
وجاب بيده كحله وياه لعيونك
وديرت وجهك وين عنه ... وماعرفته !
اني هذا الليل من ابجي بصمت محد سمعني
واني هذا الليل
ماطخيت راسي بس الك يا لعكرب طبع
ذيلك لسعني !!
وهم تدور الدنيا باجر وترجع الضحكه
اليتيمه بلاطعم والناس موته
وهم ترد تسمع عتب شايل بجنحه سوالف
والعتب مذموم صوته
لاتحاجي الناس لا تتعبهه روحك
صدك تمشي كبال عينك
وبالاصل صدكني موته !!
ومو غريبه ...
وكلبي يوميه اودعه تحضنه بيبان الرصيف
وتعودت من اطش حزني ورك
وبفصل الخريف
واني وعيون الرصيف وصوت حاير
مدري ياخذني ويجيلك
مدري يرسمني ضحيه
لا يرسمني ضحيه هواي ارحم
من تجيني .
وخايف من اصد اعليك
اردود عيني ماتعرفك ..
ومو غريبه ...

تحياتي ماجد الشاعر
28 / 3 /2009

[الشايب العراقي]

اتمنالكم التوفيق والابداع دائما

موفقين بإذن الله ... لكم مني أجمل تحية .

تقبلو مروري

[ام فيصل]

قمــة اليأس
احباط نازف من بين الحروف
اهات تحرق السطور
أمــل مقتول ومدفون
واكـــثـر
ولم كــل هــذا ؟؟؟؟
اليس الأجدر بنا ان نرسم الحياة بكل الوان - وليس بلون واحــد ؟؟
كنت هنــا -- وتبعثرت المــا ً وحيــرة لمـا سطــرت
وهذا مالم اعهــده بالشــاعر مــاجد -- صــاحب الكلمـة الدافئة
والإحساس الرائع -- والمشاعر التي تنفض الهم عن القلوب
عــذرا إن قلــت لك ---- انت لست ماجد الشاعر هنا
تحياتي لك عزيزي

[قصة مطر]

شدني ضياء الحرف المنسدل من قلم متميز رائع
أعجبني ما سطرت في صفحتكـ
تفوق الوصف في اختياركـ
وكلماتكـ الرائعهـ من شعور
وصدق في كل كلمه وحرف أسمح لقلمي بأن يضع بصمة أعجابه بما سال من حبرك الثري بالمعاني
ولتواضعي الخجل منكـ في قصور التعابير
امام روائع صفحاتك
تقبل مروري

[هاشم نجم]

كم هو مؤلم ان نتلقى الطعنات ممن بنيت معه أحلاما ..
ووهبته الحب والمشاعر الصادقه ..
ما اروع قلمك ياماجد
ابداع وتألق
تحياتي

[سلام الدراجي]

ماجد ررررررررررررررائع كل ما تكتب جميل (اذا كانت هاي صورتك مع السيد عريان يعني انت كيكه ) ههههههههه
تحيه الك من قلبي

[محتاره]

لا اعلم ر.....بما تبرت الكلمات مني

وخذلتني حروفي الصامته

هنا اخي وجدتُ نفسي ....

ساقف صامته امام حروفك

فالصمت نطق عني

تقبل مني اعذب الاماني

[الشاعر ماجد الدعمي]

حبيبي الشايب العراقي تحيه لك من القلب ودمي بخير
اسعدني مرورك ..