سلطان اعله روحي من يعلك

[طائر الحب الحزين]

1. اخوان هذه مجموعه ابوذيات اتمنى تنال اعجابكم
   
   
   

   سلطان اعله روحي من يعلك
   ويالعاذل بهمي من يعلك
   لا تأمن بدهرك من يعليك
   تره بنفخة هوه ترد للوطيه

   
   
   

   يدنياي المصايب عَلي جدري
   يتكالب ما برد فد يوم جدري
   آنه الصرت كالمصيوب جدري
   اليراني يشيل ويعوف الثنيه

   
   

   ترف يل صورك ربك من العين
   أخاف عليك من تمشي من العين
   أنا معذور يمدلل من العن
   ابوك الخلفك للناس اذيه

   
   

   يكاد الثوب ينشك من نهدهه
   وفرح ماشاف كلبي منهدهه
   بي حسره عليهه من اهدهه
   الوادم تحترك وانه سويه

   
   

   اتنخه تريد اجيك اليوم بالحال
   وانته اعرف حبيب الروح بالحال
   شمحلهه وياك ما تقتنع بالحل
   ادليك الدرب وترد عليه

   
   

   أنه المكسور دومي من لحمني
   اشد خيوط ربعي من لحمني
   أبي وما كلت روحي من لحم ني
   تلحك تستوي وتنطيهه اديه

تنبيه ثاني / نرجوا كتابة كلمة منقول للأمانة الأدبية ومنعا للحذف لاحقا ً

شكرا اخي طائر الحب الحزين على جميل اختيارك
باقة رائعة من الابوذيات كلها احساس وجمال
مع تحياتي للك

[الشيخ ابوحيدر]

جميل هذا الذوق
ايها الحزين انتقاء
رائع دام المداد والتالق
تحياتي

[السومري71]

عاشت الأيادي اخي الغالي
باقه رائعه من الأبوذيات
شكرا لهذا النقل المميز
تحياتي

[عادل المنصوري]

جواب من يعلك
حرت ما عرفك الها لوعليها
روحي امن اذكر اسمك لوعه ليها
محاذر دوم صدك لوعليها ( اعليها )
باقل نفخة هوه اتسل من اديه
عجبتني هاي الابوذيه جداً
مع تحيات اخوك المنصوري