بطلت العشك !!!

[بلسم الروح]

بطلت العشك





بطلت العشك ونسيت الأشعار

وطلكت الشعر من غير رجعة...




شعندي وية الشعر من بعد الأحباب

والمن القي شعري ومن يسمعه...




اريد انهي البديته اليوم وارتاح

واريد بهالقصيدة اليوم اودعه...




تسعى الناس تسمع مني اشعار

وآني وشعري كله لقلبك اسعى...




وسبعة من الإسبوع تصير الأيام

بس وياك احس اليوم سبعة...




طبعة وبالقلب خليت واختام

ومن طبع القلب ما ينسى طبعه...




ربع من القلب للناس محجوز

وإلك كل القلب ناسة وية ربعه...




عفت شغلي وبقيت وياك محتار

ولكيت بمحبتك اني خوش صنعه...




لجل عينك جرعت هواي عذال

وسكرت بعشكك اني بغير جرعه...




ومضة من المضى لو يرجع الفات

وشيرجع المضى؟ ولو بيدي ارجعه...




شمعة الناس تشعل من يجي الليل

وانا الكظيت عمري اشتعل شمعة...





بس هواية ..كافي وياك لهنا

النهاية وياك صارت حيل بشعة...




اريد اتخفى عنك والبس قناع

واريد بقلبي غيرك هم اقنعه...




واريد احجي وياك بالتفاصيل

واريد لضيم قلبي كلة اطلعه...




واريد المشتره يتفرج اليوم

على حسابي اذيتي تصير سلعه...




واريده يبجي هسة الماضحك يوم

مو دمعة حزن بس فرح دمعه...




تعال اسمعه لقلبي يردد (اهواك)

وإذا انت كرهت ماظن تسمعه...




كمت تسد اذانك من عليك يصيح

قلبي هسة صار يجيب سمعه...




الك قلعة عشك بالقلب سويت

بس هسة بقت انقاض قلعة...




اريد اقلع القلعة بقلبي وارتاح

واذا قلبي اعترض هم قلبي اقلعه...




الك دفعة بله نطيت انا الروح

وانت الكتلي روح وياهة دفعة...




اني الينسه حبي وينكر الطيب

لا مو بس البسه..هم انزعه...




و احركه بنار قلبي الماطفت يوم

وأجزعه من الحياه والدنية اجزعه...




سنه ما تهنى اللي ضحك بيه

وبنفس سنه اخلي يعض اصبعه...




شسويله بعد؟ مو كافي مليت

اشمرله القلب ويحطله درعه...




وارجع من جديد وقلبي مكسور

وألملم قطع قلبي قطعة قطعة...




بعده هالقلب ليهسة ماطاب

وورة يومين يرجع نفس وضعه...




هم يحن يرجع..تالي يشتاك

يجي ولباب قلبك هم يقرعه...




اتعجب عليك شلون تفكير

ما ادري عذابي الك متعه...




مو صوج الوكت... لابينه هالصوج

اليحب بهالوكت يا كبر وجعه...




عاتبني الشعر بحروف الأبيات

شنو ذنب الوصل عني تكطعه؟؟؟




جنت تشكيلي واشكيلك الهموم

الزرعته وياك طيب لا تشلعه...





كلامك هذا مو ؟ لو اني غلطان؟؟

خوية المدلك ايده لا تصفعه...




بسك يا شعر ،لاتعتب ارجوك

لا تظن الأصل يتناسه فرعه...





لتصدك اعوفك ..جذب انساك

بس ردت اسوي وياك خدعه...





لأن ما ظلي غيرك يسمع جروح

وكبر جرحي يابحرك صار وسعه....




منقووول

[ام علاوي]

الله يابلسم كلماااااااااااااات رائعه جدا
اخترتي فأحسنتي الاختيار
دمتي ودام لنا مدادك
لك مني ارق الاماني

[رنا العراقية]

الله يا بلسم كانك دخلتي الى قلبي ونقلتي هذا الشعر

كانكي قد قرئتي كتاب ذكرياتي ونقلتي ما فيه

تحياتي لكي

[المهندس علي]

مشتاقين لمثل هذه القصائد الجميلة
اختيار جميل وموفق قصيدة تحمل الكثير
من المعاني الجميلة فيها العتب والحزن
والتفكير في تغير المشاعر
اعجبتني القصيدة حقا منك بلسم
بلاخص هذا المقطع الرائع
عاتبني الشعر بحروف الأبيات

شنو ذنب الوصل عني تكطعه؟؟؟




جنت تشكيلي واشكيلك الهموم

الزرعته وياك طيب لا تشلعه...





كلامك هذا مو ؟ لو اني غلطان؟؟

خوية المدلك ايده لا تصفعه...




بسك يا شعر ،لاتعتب ارجوك

لا تظن الأصل يتناسه فرعه...

شكرا على جهدك في نقل القصيدة
تمنياتي لك بلنجاح والتوفيق
تحياتي

[القناص ستار]

عشنا بالتناقض والخرافات ...وضيعنا الاصل لو ضاع من طبعة ...بدينا اختلقنا كوم اوهام ...ومشينة بالوهم من غير رجعة ...نعاتب المن نعاتب ...الحبيب ويا حبيب اليسوة دمعه....تحياتي وسلمت اناملك على النقل البديع وتحياتي للشاعر

[هنودده]

تحيه وتقدير لهذا الطرح الجميل
اختيار موفق وانتقاء رائع للكلمه
وهذا من ذوقك يعطيك العافيه
اتمنى لك التوفيق
تحياتي

عاشت ايدج على هاي القصيده الجميله

[طيبة النجف]

قبلة اطبعها على اناملكي الرقيقة
من شفاهي التي وقفت الكلمات خلفها حائرة لاطريق لها
للاختيار المتميز ولابداعك الدائم دمتي غاليتي متالقة
بلســــــــــــــــــــــــم الـــــــــــــــــــــــــــــــــروح
تقبلي ودي قبل ردي,,,,,