زيارة مولاي الحسين
نويت اتعنه لابن حيدر اروح = شفت كدامي مجد تكتبه الحروف
من بعيد اشتم عطر الجنة يفوح =روحي سبقت جسمي بالحضرة تطوف
ما شفت كبة بس انوار تلوح =وكلبي ظل هايم وبلهفة يشوف
ناس تدعي ناس حزنانة وتنوح = وناس تدخل ناس تطلع بالالوف
ودمعي ظل هامل وبحزاني مفضوح = من اسمع صرخات لبيك هتوف
ناشدت ما شفت كبة ولا صروح =جاوبوني الكبة مو بارض الطفوف
كبة حسين ما توسعها السفوح = لا جبال ولا هضاب ولا كهوف
كبة حسين عرش بوسط الروح = يجري دم بعروك كل هاي الضيوف
بكلب كل شيعي نْولد نلكه الجروح = اثر سجين الشمر وطعن السيوف

بلقمي / ابو الحق