شلون تحافظين على زوجك يامكموعه يامطفيه
السلام عليكم ورحمة الله وبركاته
اكثر حالات الطلاق سببها الزوجه التحفه واهم سبب هو
بالشارع عروسه وبالبيت ناموس
بالخطوبه مهضومه وبعد العرس مجعوصه
من شفتها سحرتني ومن عاشرتها ذبحتني
شنو يعني من تطلع بره تطلع اميره مرتبه ومرسومه رسم مكياج وشعر وعطر فواح بس من تدخل لبيت تصير دراكولا او كينغ كونك تلعب النفس دشداشتها بازه وشعرها اشواك شائكه وريحتها تطرد الاحتلال من العراق ومن فلسطين شكد مامعطره بعطر قتال لا والقهر تعاتب زوجها اشو ماتتغزل بيه شبيه اني مو انثى اشو متغير اشو ماتحبني مثل قبل
فعلى الزوجه ان لا تثرد بصف الماعون تره يروح يطلكها ومن البيت يطردها وترجع يم اهلها
هسه يمعوده هي شيرادلها شويه احمر وازرق وكحله وصبغ شعر وبخه لو بختين ريحه ودشداشه
من النوع الوهابي يعني قصيره وكعدي امامه بس مو تكعدين مثل هبل الصنم لا سوالفي وياه
بس مو تسولفين وياه على التطورات السياسيه في السودان او اقليم دافور او العولمه وانعكاساتها على الاقتصاد العالمي لا عيني ولج افتهمي احجي وياه عن الرومانسيه بالعصر الاموي او العصر العباسي ومن تصيحين باسمه دلعيه يعني هو اسمه foraten.net/?foraten.net/?foraten.net/?foraten.net/? صحيله حمودي اسمه حيدر صحيله حدوري
اسمه لؤي صحيله حجي خلف
يعني من هاي الكلاوات لانه الرجال مثل الطفل بسرعه يتقشمر ويكولون الشيطان استاذ الرجال وتلميذ المريه يعني قشمريه شبيج قشمريه
رد مع اقتباس
