وينك ياصبر ؟؟
مو ذبلتني الاه
واحط بوسه اعله جفك
كون تفزعلي !!
ردتك ياصبر
مو فتتتهه الروح
وكل جلمه التجي وجن موس
يذبحني
وينك ياصبر ؟؟؟
خل الدرب منا
وي كل رمشة جفن
وجروحي تلجمني !!
دمعي بليل بعده
مانشف هيهات
وصوره للهضيمه ارجوك
ترسمني !
وكلبي المايتوب مسودن من صباه
وهساه من كبر
بدموع يفطمني
طشرني الوكت ياصبر
ردتك عون
ماي اني وتبده شلون
شيلمني ؟؟؟
انه المخنوك عبره واشتهيت الموت
اصيح بصوت لكن منهو يسمعني ؟
اطشر فرح من جدمي حد الراس
لان مره لكيت انسان يفهمني
وينك ياصبر
ناخيك واترجاج
اني المحروك معتازك تطفيني
ولون مذبوح
ابد ما اريد تحييني
وينك ياصبر مليت وانه انخاك
ادك بابك واكول يجوز ناسيني
وولا عطشان وانطر عود ترويني
وينك ياصبر ؟؟
وهاك روحي وياك
مليت الوكت كل ساع يلويني
ومعتازك ياصبر
لتسد علي الباب
احط بوسه اعله جفك
وانت ماتنقاس
ضايع ياصبر وبلكي انت
تلكيني
ضايع ياصبر هم راح
تلكيني ؟؟
******
ماجـــــ 28 نيسان ـــــــــد