وينك انت ؟

[الشاعر ماجد الدعمي]

مدري وينك ؟
وهم اجي اني اعله بالك لو نسيت !؟
ومدري وينك ؟
اني بيه دروبي تاهت
مدري رايح مدري اجيت !
ومدري وينك ؟
وشلون ببعادي رضيت ؟
شلون عني تنام عينك
وانه ما ادري وحياتك
مدري صاحي مدري ميت !
ومدري وينك ؟
ولسه من تنام عيني تمر عليك
ولسه من تمرني فرحه
هاي اذا مرتني فرحه !
تمر ضحكتك تملي عمري
وانه عمري همومه بيت !!
ووينك انت ؟
ياحبيبي ...
ولمسه جفوفك بديه
وجني ابوس اطراف ايديك
ومانسيت ....!
ووينك انت .؟
وعافت الروح الفرح لمن مشيت !
وليش اسألك ماتجاوب !
ليش تدري بحالي عكبك .؟
اني جم جويه انجويت !
وهواي كبلك انه شايف
وكلشي شايف مابجيت !
بس نزل غيابك دمعتي
وجوت خدودي دمعتي
وفوك كل دمعه الكي اسمك !
وجلمه تاكل باب روحي
شلون يحبيب مشيت ؟؟!!!
تحيـــ ماجد الشاعرــــات

[ام فيصل]

وعافت الروح الفرح لمن مشيت !
وليش اسألك ماتجاوب !
ليش تدري بحالي عكبك .؟
اني جم جويه انجويت !

ايها العاشق المهموم

ايها الحالــم في بحر العيون

كن صبورا --- سيعود

انه النصف الذي فارقته

ربمــا اتعبه صمت الليالي والشرود

او ربمــا شامت ٌ قد حال اللقاء -- او عذول او حسود

انتظر -- لو طــاله ُ شوقك حتما سيعود

رائــــــــــــــع ياماجد -- سلم الأحساس والقلــم

[عاشق عيونك]

مدري رايح مدري اجيت !
ومدري وينك ؟
وشلون ببعادي رضيت ؟
شلون عني تنام عينك
وانه ما ادري وحياتك
مدري صاحي مدري ميت !
ومدري وينك

حبيبي ماجد تسلم ع الكلام الرائع يامبدع
ربي دوم الابداع


تحياتي

[الشاعر ماجد الدعمي]

اختي الغاليه ام فيصل : انا اسجل لك شكري الكبير وانت توسمين صفحتي المتواضعه وكل ما اقول لعيونكم وانتم تستاهلون تحياتي
اخي الكريم عاشق عيونك : لك مني كل الود والاحترام وسعيد جدا بمرورك الجميل سلمت اخي الغالي

[وفاء سلطان]

جميل
ماخط قلمك
تقبل مروري...

[سلام الدراجي]

تسلم ياشاعر التفعيله شعر رائع كروعتك بارك الله بك اخي العزيز

[الشاعر ماجد الدعمي]

شكرا لك الغاليه وفاء وعلى مرورك الجميل تحياتي لك ..........