هذا الحبيب يعاتب حبيبته ويدعوها الى التواضع ـ ويبن لها حالته العشقيه وتصويرها ببداعه
وينحاك
عليمن تنفش ابريشك وينحاك الجناحان
اتكول تاماي اغزلنه وينحاك الحياكه
يمكن جسمك اتلوحه وينحك ماحك جلدك مثل اضفرك
اذا كلبي كرصني شلون بيه
ــــــــــــــــــــــــــــــــــــــــــــــــــ ـــــــــــــــــــــــــ
وهذا الذي يعاتب الزمن بعد العز يرى الذل والضيم
ويماشي بيت الشعر
صبت علي مصائب لو انها صبت على الايام صرن ليالي
تنصاب
كل مصباح روحي بسهم تنصاب
وعكب عزه عليه انذال تنصاب
علي حيث المصايب لو تنصاب
ترى الايام صارت ليل هيه
ــــــــــــــــــــــــــــــــــــــــــــــــــ ــــــــــــ
وهذا الذي يفضح دموعه امام الحبيب
ورجيته
الك بس انته كليبي ورجيته كشفت لك ما في قلبي
ودمع العين يمك ورجيته ارتكيت بالماء
ابتعد كلمن نخيته والرجيته الرجاء
ولا واحد اجاني ومر عليه
ــــــــــــــــــــــــــــــــــــــــــــــــــ ــــــــــــــ
وهذا الذي دمع العين فضحه
ما رعاني
راعيتك ليش كلبك ما رعاني المداره والرعيه
وبهمك فد دليلي ومارعاني لم يرعوي
مره احبس بدمعي ومره اعاني المعاناة
ومره تطيح عيني بين اديه
ــــــــــــــــــــــــــــــــــــــــــــــــــ ــــــ
والى اللقاء في الحلقه القادمه