ابوذيات الخفاجي

[ليث الخفاجي]

عليهه عيون تجدح من اصلهه
زهره وعسل تنبع منصلهه
تدري شظام الهه من اصلهه
ابوس عيونهه العالت عليه


تره من يوم شفته ذابل اني
يمن تحجي عالبلوه ذا بلاني
اخذ كل قوه مني ذبلاني
اذن موجود امر الجاذبيه



احب الشوك من يلفح والايثار
بركان بجبل حبك واللي ثار
انه هواي اطلبنك والي ثار
اوكعنه من اشوفج يابنيه



صدك محظوظ لن شخصك هواني
جنت مخنوك اجه حبك هواني
تسألمن سكن كلبي هو اني
سلمتك اوراقه بذني اديه

[علي إبراهيم]

صدك محظوظ لن شخصك هواني
جنت مخنوك اجه حبك هواني
تسألمن سكن كلبي هو اني
سلمتك اوراقه بذني اديه
***
مقتبس
***

يـحلو الاطبـاع واصلني وقارب
ماعندي اهل غيرك وقـارب
سفينه بالبـحر ردتك وقـارب
تشيل الحمل من يثگل عليـــه
***
الشاعر الجميل الاخ الخفاجي الكريم
لساني عاجز عن الرد على بوذياتك الساحرة

لا يسعني سوى قول

ادامك الله لنا

[امير الاحزان:]

باقة رائعة وفريدة احسنت اخي لجميل ما بحت به لنا
سلم يراعك النابض
بداية جدا" موفقة معنا
ننتظر جديدك

[ام فيصل]

صدك محظوظ لن شخصك هواني
جنت مخنوك اجه حبك هواني
تسألمن سكن كلبي هو اني
سلمتك اوراقه بذني اديه


صح لسانك عزيزي
باقة جميلة من الأبوذيات
سلم لنا هذا المداد والإحساس
وحياك الله في منتدى الفرات عزيزي
دمت بخير
مع خالص تحياتي

[ليث الخفاجي]

اشكركم جمعيا على الق وبهاء ردودكم
وعلى رونق وصفاء مروركم
والحقيقه هذه دفعه معنويه اطور نفسي
حتى اكون عند حسن ظنكم
اخوكم الشاعر ليث الخفاجي

[عمار الغزي]

عاشت الايادي اخي الخفاجي
على هذا الباقة الرائعة
من الابيات الجميلة

[محمد العتابي]

تسلم اناملك اخ ليث الخفاجي على الابوذيات الحلوة
تحياتي لكَ

[Romance Girl]

صدك محظوظ لن شخصك هواني
جنت مخنوك اجه حبك هواني
تسألمن سكن كلبي هو اني
سلمتك اوراقه بذني اديه

ابوذيات اكثر من رائعة
تحياتي