دمعة فرح واحزان ..... للشاعر foraten.net/?foraten.net/?foraten.net/?foraten.net/? رفيش

شع نور الحسين بمولدة هاليوم ...... فرح جـــــــــدة ويكلة ياضمد هالـــــــــروح

ترة جيتك يبو اليمة التثبت الدين ...... ودمعات الفرح شبكت دمـــــوع النــــــوح

من عين الرسول المصطفى المختار ...... كثر دمعة النبي وصار الجفـن مجروح

دمعات الفرح صارن الجيت حسين ...... وادموع الحزن شافن نحــر مذبـــــــوح

**************

بمولودك فرح حيدر يبو السجاد *** وبانت فرحته من بسمت الشفتيــــــــــــن

شاله ابين ذرعانه وحضن طولة *** وضمه وكبر الكرار ابــــــــــو الحسنيـــن

بعد تكبيره طول حيدر ابشمه *** وباس الحيد نحره وصدره والخديــــــــــــــــن

وكله يهمس بأذنة يبو السجاد *** انت النــــــور للامة ينور العيـــــــــــــــــــــن

ادريبك فخر يابوية انت اتصير *** والجدك محمد واهلك الطيبيـــــــــــــــــــــــــن

وادريبك يبو اليمة تصير السيف *** وتذكر اعداك سيف الـــــــــــوالد بصفيــــن

وادريبك تصير العين للمكفوف *** وتصير الناصر انت الناس مضلوميــــــــــن

وادريبك يبوية اتثبت انت الحك *** والباطل توكعة اتضيعة بيـــــــن اثنيـــــــــــن

بين ابليس والكافر يبوية ايصير *** والكافر يزيد وصار هالشخصيـــــــــــــــــــن

وهلت دمعة الكرار من عينـــــة *** وعلى راس السبط حط ايدة ابـــو الحسنيـن

كلة اصبر يبوية بيوم تبقة وحيد *** لا والي وحمة عندك يبوية حسيــــــــــــــــــن

تدير العين ماكو من اهل واصحاب *** كلها اعداك بين ايسار بين ايميـــــــــــــــــــن

وادريبك تظل صابر على اللوعات *** لجل الله ورسوله يوم خان البيـــــــــــن

وادريبك تصير الجثة دون الراس *** ويصير الراس هو الراية لجل الديـــــن

*****************************

خادم اهل البيت عليهم السلام

احمـــــــــــــد رفيش

[ام فيصل]

عطر الله انفاسك
والف شكر لك على جميل ماتختار لنا من قصائد مباركة ورائعة

كل الشكر للقلب الأسير
ودام لنا هذا التميز
مع تحياتي

[عمار الغزي]

شع نور الحسين بمولدة هاليوم ...... فرح جـــــــــدة ويكلة ياضمد هالـــــــــروحترة جيتك يبو اليمة التثبت الدين ...... ودمعات الفرح شبكت دمـــــوع النــــــوحمن عين الرسول المصطفى المختار ...... كثر دمعة النبي وصار الجفـن مجروحدمعات الفرح صارن الجيت حسين ...... وادموع الحزن شافن نحــر مذبـــــــوحاحسنت اخي الغالي وبارك الله فيكوجزاك الله خير جزاء المحسنينتقبل الله منك صالح الاعمال

شكرا لمروركم احبتي وشكرا للعطر الذي وهبتموه لي بصفحاتي التي تعطرت بعطر اقلامكم وقلوبكم وتحياتي اليكم اينما كنتم ........ تحياتي