رداً على المثل الشعبي ((اليدري يدري والما يدري كَضبة عدس))

**عراقي أصيل** · 04-01-2007

السلام عليكم ورحمة الله وبركاته
كلنا نسمع بالأمثال الشعبية العراقية
ومنها هذا المثل

((اليدري يدري والما يدري كَضبة عدس))
هذه الأبيات رداً على هذا المثل

وياك أخذني أخو للعازة للشدة
ولا تكَول جنحة نسل وتكَول ما عندة
صح آنة ما أمتلك صح آنة ما عندي
بس آنة كلي ألك مو كل شي ما عندي
عندي محنة كَبل وطيب أملك وودي
الما يدري كَضبة عدس وشلون بالي درة
أرد آنة أوصف الزلم وأرجوا أنة المعذرة
بيهم تشوفة ضخم بس هو أكبر (ـــ )
وبيهم حبل شاربة بس شورة بيد المرة
وبيهم الضكة الزمن بس حجايتة معتبرة

معتبرة أي (معدلة أو موزونة )

تحياتي

فارس الليل العراقي

**رفيع التهذيب** · 06-01-2007

اولا كل عام وانتة بخير يا اخي العزيز فارس واتمنى لك ولمن تحب السعادة في السنة الجديدة وربي يحفظك ويحفظ العراقيين جميعا

بيهم تشوفة ضخم بس هو أكبر دثو هذي هي الكلمة المناسبة على ما اعتقد لاكن على العموم تقبل مروري يا عزيزي
اخوك رفيع التهذيب

**عراقي أصيل** · 06-01-2007

صح لسانك أخوية رفيع
كل عام وأنت بألف خير
ويوعدة عليك وعلى الأهل بالخير واليمن والبركات
مشكور على مرورك

تحياتي

فارس الليل العراقي