من دارميات ابي

[نسيت انساك]

بسك تنكط الماي غططني وطلع
سكتلي هاي الناس شماتي تسمع

الرد

اكدر اسكت الناس وامك وخوتك
لاكن شكل لهواك لو درة بموتك


هم خلفت الله عليج وصوابي جابج
مدري اهم بصواب مدري بعدابج

الرد


اصوابك برجليك وصوابي بجلاي
ياهو الينام الليل انتة احكم بهاي


كالولي روح بعيد وانسة التودة
كلت البعد شيفيد موكلبي عدة


بالحلم جنك جيت من داك الغياب
كبل ايدي شفت الروح فتحتلك الباب



ارد انشد الصباغ هم يصبغ كلوب
اصبغ دليلي عليك واحزن فرد نوب




منك سمعت الاه كثرت جراحي
وشبيدي خوية عليك كصو جناحي


وين الجفن ينباع يالشايل الخام
عدلة ارد اطمهة الروح من ضيم الايام



من كثر حر الضلع احتركن اهدومي

وتسعين ناكة وجمل ماشلن اهمومي


تقبلو تحياتي

[twfeek]

الاخ محمد الوردة......اختيارك جميل جدا لكن
بالنسبة للبيت الاول قديم ولااعرف مصـــدره
فان كان لوالدك ارجو منك التنبيه لنلك لانــــه
من الحقوق الشعرية وهذا مانعاني منه كثيرا

بس يالتنكط الماي غمظني وطلع
بس سكّت النسوان شماتي تسمع

الرد

كادر على التسكيت لمك واخوتك
كلي شيسكت اهواك لو دره بموتك

هذه الابيات الصحيحة..تقبل مروري مع فائق
احترامي............

توفيــــــــــــق

[سلام الدراجي]

تسلم غيث دارميات جميله وعاشت ايد الاخ توفيق للملاحظات القبمه شكرا لكم

يسلموووووووووووووووووووووووووووو

[امير الاحزان:]

شكرا" للاخ غيث لهذه الدارميات الجميلة
وشكرا" للاخ توفيق على الايضاح
ربي يسعد ايامكم جميعا"

[حيدر القريشي]

دارميات في غايه الروعه
شكرا لك اخي الكريم
ولك مني ارق التحايا
واطيب الامنيات

[همس الغروب]

دارميات رائعة
تسلم الايادي خيو
تحياتي لك

[ملك الرومانسيه]

مشكور اخي العزيز وبارك الله فيك