to my bitter sweet
غمضت عيني اعله طيف البارحه
وردت احلم بالحبيب اثنعش مره
بكثر ساعات الليالي الخايبه
تعبن جفوني وتندن
واكعدت كعده اتذكر
بالسنين اللي تعدن
تالي مليت السهر ومرادف الحسرات
وكطوف الجكاير
آخ من لجم الجروح
الفززاها الشوكَـ غفله
اشما اشدنها تشوغ وماني كادر
لوعة المبعد جمر جانون يلسع بالدليل
ولك يا كلبي شبلاك اشفطنك
انسه خايب كل خليل
شما يدك بابك هواهم لا تطيع
كال مو بيدي لجلهم كلشي ابيع
شفت بالطيف الرسوم اللوعتني
وآنه شو فز شوكي بيه
مثل ما فز الثدي لنشغة رضيع
لنها موش ايام مره وشوغتني
صرت احن الها وتمنيت العمر بعنان اعته
وارد لسنين المحبه وكعدة البستان ومضايف سلفها
واون نص الليل بالعالي واسمعها قصيدة
الشوك يتفايض بنصها ونص عتابه
اتدمع العينه جويه وتكسر الكلبه حديده
ولني ناسي الليل ومجاني واون ونيي بهيده
تالي دثرت الكَلب بالهم واعرفه آنه يريده
وامرت روحي تنام وادري ما نامت عنيده
وامرت روحي تنام وادري ما نامت عنيده
للشاعر المرحوم سامي شياع المنصوري