ابوكم مابچه بكدي ولمكم
وبعدهي جروحكم بيه ولمكم
يخوتي چفوف ماعندي ولمكم
المكم بيش يلگطعتو اديه
ــــــــــــــــــــــــــــــــــــــــــــ
احبك من جنت بالمهد...بجاي
احبك مثل صوت الحزن ... بجاي
احبك لو تصب السم ... بالجاي
اشربه ولا يضل كل الم بيه!!!
ــــــــــــــــــــــــــــــــــــــــــــــ
شلون انساك يمعود...وجهلك
والله من الكمر خالق... وجهلك
افكر بيك بكماطك ...وجهلك
واحبك وانت تلعب دوم بيه
ـــــــــــــــــــــــــــــــــــــــــــــ
مازاد
العمر ضاع بهواك ونگص ما زاد
ووعدك بس حجي وعناد ما زاد
انا البيه زماني صاح مزاد
وولد ولايتي اتعامل عليه
ـــــــــــــــــــــــــــــــــــــــــــــ
اليالي مالون غيري لوني
او ونين الخنسه مايشبه لوني
عفاني شكثر ضيم احمل لوني
جبل جا ماحملت الصار بيه
ــــــــــــــــــــــــــــــــــــــــــ
شبدينه عل النحبه مايحبنه
مثل السمج طبعه مايحبنه
بارد يلتشربه ماي حبنه
وشربت يلكلت مالح شويه
ــــــــــــــــــــــــــــــــــــــــــــ
زرع ريان من كلبي ترابه
ومثل طعم العسل ياعالم ترابه
دللته يخلك الله وعله ذراعي تربه
وجه غيري وخذاه من بين اديه
ــــــــــــــــــــــــــــــــــــــــــــــ
تضل نجمة يضي العين بسماي
ويضل اسمك حبيبب العمر بسماي
ما يروي العطش بجفاك بس ماي
العطش تروية بوصالك الية
ــــــــــــــــــــــــــــــــــــــــــــــــ
بعيد ولا جنح عندي وامركم
وصرت خاضع لامر الله وامركم
البعد لابد يوم يخلص وامركم واعتب كل محب ماينشد عليا
ــــــــــــــــــــــــــــــــــــــــــــــــــ ـــــــ
حد اسيوف هجرانك وسلهة
وهاك الروح مرمرهة وسلهة
يمك ناس ناشدهة وسلهة
بشرع من حللت هجرانك علية
اتمنى تعجبكم
منقوول