السلام عليكم
اليو م جبتلكم دارميات جميلة قديمة وجديدة وان شاء الله تعجبكم





الوطن غالي وهذا للوطن
عالي يسور الوطن وامك ابد ماطاح................. فنة اليصل حرمتك والسعف صار ارماح


منوع
ليش الفرح لحضات والهم ليالي............... هوة الفرح ممنوع لو سعرة غالي؟
هم حلو هم ازغير هم ازرك اعيون................ بس بي طبع مو زين من يوعد ايخون
ريت انكلب طلقات وادخل بكلبك........... واكتب على الشريان دمرني حبك
ريت المحبة اتصير مثل السياسة .............حتى اليخون بساع ينكطع راسة
ممنون الك ياترف منك اخذت الطيب ....................ارفض اشبهك بالشمس خايف عليك اتغيب
اصفن واحاجي الروح وين احنة جنة........... هم ترجع الايام ويلتم شملنة
كون الكلب ينصاغ محبس وادزة ...........بيدك يضل تذكار لجل المعزة
ياصاح دمعي نشف ماضل دمع بالعين............. فراك النحبهم صعب شك الكلب نصين
كتلك اتفضل فوت قصدي اني للبيت ..............شمالك دفعت الباب وبكلبي طبيت
تستاهل انطيك الكلب وانطيك حت عيني............ وماريد منك ثمن بس شوفتك تكفيني
اصفن واسولف بيك وكل فكري يمك...............هم تضن يوم انساك وتبرة منك
تستاهل انت الروح مو بس محبة ...............والكلب لوينساك والله اذبة
انت النبض بالروح بدونك فلا اعيش.........بس وسفة يابذات كاضيها ترميش
بالكلب شبت نار طفيها يهواي ............بالوصل تطفي بساع ماتطفي بالماي
كاتب حبيب الروح البوسة ممنوع..............لوصل وابوس اهواي لولغم مزروع
صدكني ماناسيك دوم انت عالبال...........هم شفت واحد عاش لو كلبة ينشالروحي اشكثر تهواك وشكد تهم بيك,,,,,,,,,,, سعفة وتهزه الريح لومرني طاريك

__________________




منقول


.