ترجع ابد موشرط اعيش وياك

[حسام العراقي]

ترجع ابد موشرط اعيش وياك

بدونك عايش انه وكلشي ماهمني

بعدك بجيت وصح ذرفت دموع

وصح العبره صارت حيل تخنكني

لكن مامتت بس حبك انت المات

هذا كبالك انه الضحكه رسمتني

عشت وياك مأمن ماعرفتك هيج

تنطر لحظه عينك ناويه تذلني

ليش بياسبب ؟؟ حاجيني صوتك وين؟

برر كل جريمة شوك ذبحتني

اذا تطلب جنت من روحي روح انطيك

واضملك عيني اخاف النوب تطلبني

جنت اسهر سهر ماعرف مثله الليل

اظل متاني صوتك حته يحضني

حرام شكد ظلمت جروحي بيدك هاي

اكلك فدوه كافي شبيك تظلمني

تضحك انت عادي ..وانه دمعي يسيل

رووووح الخاطر الله ارجوك فاركني

شسوي بحبك انه وانت كومة تراب

وبكلبك ملح ..ميفيد تزرعني

عزيزه دموعي ذيج النزلت بفركاك

يادمعي العزيز بداعتي اعذرني

وكلبي شكد ظلمتك ماقصدت أئذيك

خجلان انه منك فدوه صدكني

وانت ابعد عليه لوهسه اموت هنا

ما تانيك ابد خليك هاجرني

واذا كل جسمي صاحك حته أليه تعود

اترك جسمي انه وانهزم مني
اترك جسمي انه وانهزم مني

[الصابرة]

الله عليك يارائع ياغالي حبيب قلبي...تقبل مروري

[جناتي]

الله يامبدع كلام في غاية الروعة اتمنى لك التوفيق تقبل تحياتي

[ام افنان]

الله يامبدع قصيدة اكثر من رائعة واكثر من ان تستحق الابداع بس اسالك اذا مو شرط تعيش ويا اذآ مو شرط يجي صح لو لا لان وجودة يصبح اكثر اذية يامبدعنا تقبل تحياتي ومروري

[ناصر اسماعيل الموزاني]

قصيده جميله لك كل الورد والاماني
اخوك ناصر