تظل مهره القصيده
تريد خيال !
ولا كلمن ركبهه اطاوعه
المهره !
نوبات القصايد ريشه
بمهب الريح
ونوبات القصايد بالكلب
جمره
ومرات القصايد تنكلب
ظلمه اتصير
واحيانا المطلع ينكلب كمره
خلني من اسمعك ابحر
وي الصوت
واسكر بالشعر من غير
كل خمره !
انه وي الشعر من عمري
عشر سنين
اكتبت للحب.. للوطن.. للبيضه ..
للسمره..
اكتب بالقلم واملي الورق
احساس
وماتكتب قصيده بيمنتك شفره !
مسكين الشعر
كلساه يجيه طلاب
ووجوه القصايد ماتسر
صفره ..
اليكتب شعر كون بمستوى
الاحساس
مو حايط طخيخ اليعجبه
يطفره !
تظل مهره القصيده تريد
خيال
ومو ياهو الركبهه
اطاوعهه المهره !!!
ماجد الشاعر
25 / 5 / 2009