كلمات من الحسجه

[ابن الوسط]

ماتستاهل ابچيلك حرامات
ولاتاخذ بعد من عيني دمعه

چنت ازرع ورد بس هسه مجبور
حته الباقي منهن راح أشلعه

أيس مابقتلك يمي اسرار
وحته اليدگ باب الروح ادفعه

بقى يمي الشمع بس ذوبه الليل
وانه متاني الصبح يطلع واشيعه

عرفتك ثوب بس ماتستر العيب
المايرهم علي مجبور انزعه

چنت اخجل واعبرلک حچی هوای
واعرف بي چذب بس گلت اسمعه

وهسه أتگطعت وياك الدروب
وبقه درب الخجل بلساني اگطعه

كرهتك كثر ماودعت الشموع
شمعه بعيني تحله وتطفه شمعه

چنت كبر الجرح شايل معاناة
وصدگ چان الگلب من ينعه ينعه

چن داخل حسن لو طلعت الاخ
وتطلع روحي الك وتردهه فدعه

حسبّتك رقم من لمعة البيك
وين ادري الصفر هم ينطي لمعه؟؟

وين ادري الغصن بيه يركض الموت
وعلى عش المحنه يودي الافعه

باچر راح اچفن كل الجروح
ونعش الذكريات براسي اشيعه

وباچر راح اهدّم بيت الدموع
وابني من الفرح بعيوني قلعه

وتذبل شفتّك وترد الي زحوف
وانه بچفي النهر وبكيفي اگطعه

وأگلك كلشي مات اللهفه والشوك
محال اليندفن تگدرترجعه

وسود تصير كلهه ايامك البيض
وينذل خاطرك ويعض اصبعه

مثل ماجرعتني بكاسك الموت
كاس الذل شرط باچر تجرعه
كاس الذل شرط باچر تجرعه

[حيدر القريشي]

چنت اخجل واعبرلک حچی هوای
واعرف بي چذب بس گلت اسمعه

وهسه أتگطعت وياك الدروب
وبقه درب الخجل بلساني اگطعه

ابداع متواصل وكلام في غايه الروعه
عجبني هذان البيتان .......
شكرا لك اخي العزيز
وتقبل مني خالص الود والتقدير

[ابن الوسط]

حياك الله اخويه العزيز ابوكرار الورده

[زينه]

والله كلمات بقمته الروعه اخي
يسلم ذوقك على الاختيار الحلو
وياربي التوفيق

[محمد السوداني]

الله الله الله ابيات رائعه جدا
عاشت ايدك اخي العزيز ابن الوسط
من ابداع الى ابداع ,,,,,
تقبل ودي واحترامي لشخصك الغالي
اخوك محمد السوداني

[ابن الوسط]

حياك الله اخويه ابو جاسم
شاكر اهتمامك ومتابعتك
تسلملي يلغالي

[ابن الوسط]

شاكر مرورك اختي العزيزه
تسلمين ياملكه

Dude
I am so sorry for not having an Arabic keyboard
No question,you are really creative