موضوع عن اثنين يحبون بعض قصه اثرت بيه واريد افتح باب النقاش بيهه

[اسيرة دمعتي]

السلام عليكم
موضوع صار كدامي ويحتاج للنقاش
راح احجي ببساطه وبدون مقدمات لان الموضوع اصلا طويييييييييييييل
اكو ولد يحب بنت خالته
والدنيه كلهه تعرف ابحبهم وصارلهم اسنين ايحبون بعض
المشكله المأجله زواجهم جانت والدة البنيه
رفضت الزواج لان الولد يشتغل شرطي خافت لاتترمل البنيه اذا صارله شي لان مثل متعرفون شرطي وبالعراق حياته دائما خطرة ويتعرض لهجومات اهواي فالأم خافت على بنتهه
اتقدم للبنيه ولد للزواج والولد جان مهندس طبعا الام وافقت مهندس وين وشرطي وين
فصاحبنه الشرطي سمع بالخبر ملزمته الكاع جابهه يمنه جابهه يسرة مكدر ينساهه
حاول يقنع ام البنيه الام معاندة ومتريد الشرطي زين الشرطي صاحبنه شيسوي
حالته النفسيه تعبت حيل وفكر بالموضوع اهواي مكدر يتخيل زوجه غيرهه ومكدر يتخيل تزوج غيره نار الغيرة اشتعلت ابكلبه عزل نفسه عن الناس وبقه ايفكر لحد متوصل الحل
وبيوم من الايام راح لاهل البنيه البيت خالته يعني جان عيد ميلادهه الحبيبته ومسوينه بالحديقه وما عازمين احد بس اهلهه
دخل للبيت ...........
وكال لام البنيه:
راح اطلب منج لأخر مرة اني اتزوج بنتج ؟؟؟
ردت عليه :
ما اكدر اوافق
نزلت دمعته ودنك راسه للكاع وحس الدنيه كلهه اسودت ابعينه راح اللي جان امضويهه اله راح الغالي الجان املون حياته ومحليهه
والبنيه اتباوع عليه وكلبهه يتكطه ودموعهه تنزل مطر على خدهه ومتعرف ويامن توكف وشتكول
رفع راسه والهم والحزن امبين عليه ومرسوم ابوجهه
رفع راسه والالم منحوت نحت بعيونه
رفع راسه وبلع عبرته وكال الحبيبته وهيه واكفه ورة امهه وتباوعله :
انه حبيتج ابكل كياني وجوارحي وبكل قطرة دم تجري بعروقي
حبيتج ومفكرت اعوفج واخونج واعذبج وما اذكر زعلتج مني فد يوم
وانه اعرف انج حبيتيني وعلمود هيج انه ملكيت غير حل واحد
انتي لان احبج ولان رقيقه وما اكدر اتحمل اشوفج تتأذين وانتي اتعرفين اتمنه اموت الف مرة ولا تنشكين بأبرة
لهذا انه راح اخلي كلشي يخلص بسرعه علمود لتتأذين
اما اني راح اخلي نهايتي محد سمع عنهه ولا احد كدر ايسويهه
راح اخلي دمي يجري لحد ما ايخلص واموت لان هالدم هوة الوحيد اللي يعرف اسرار حبنه راح اخليه يسولفلهم عني انه وياج راح اخلي الدنيه تبجي من تسمع قصتنه
كلهه بس قبل ما اكولج على الحل اريد اسمع احبك لأخر مرة منج
كالتله :
احبك بصوت خانكه العبرة بنبرة حزن بعاطفه بشجن
قال لها وانه اموت عليج لهذا اعذريني لان راح اموتج واموت وراج
عمري مراح اتحمل اشوف غيري يدنه منج ويكولج انه احبج غيري
عذريني لأنانيتي ولغيرتي عليج خلي يكولون يحبه لهذا كتلهه ولا يكولون ايحبهه ومعرف ايحافظ عليهه وتبقى ابحظنه
رفع المسدس وضربهه ابكلبهه واندار على امهه وضربهه ابأيدهه
وهوة جرح نفسه بسجينه الكيكه مال عيد ميلادهه وبقه ينزف وجرح الشاريين الاربعه الاساسيه اللي بالجسم واحد منهه القريب من الكلب وصار عبارة عن شلال دم
وهيه متمددة وتباوعله ومادتله ايدهه وتبجي ماكو دقايق وماتت
وهوة بقه ساعتين ينزف بالكاع لحد ممات
ليش اليحب تنتهي حياته بهالطريقه ؟؟؟؟؟؟؟؟؟
ليش الاهل دائمل السبب؟؟؟؟؟
اتمنى يكون الموضوع اثر بيكم مثل مسوة بيهه لمن صار كدام عيني
وصدكوني انه مذكرت الموضوع بالتفاصيل بيه تفاصيل توجع الكلب من صدك
اكتفيت بهالمعلومات
اتمنى اشوف ارائكم ومشاركاتكم ويايه

[طالب الناصري]

الله ياسوره لقد اثرتي فينا الشجون
وهيجتي المواجع فعلا قصه مولمه

اسيره دمعتي

كل الشكر والتقدير لكِ ولنقلكِ لقصة من واقع الحياة
هناك الكثير والكثير ممن لم يكتب لهم الله الأرتباط على الرغم من حبهم الكبير
لا أستطيع أن أقول أنه بالأمكان النسيان
فهناك من تعلقوا ببعضهم حد الجنون ولكنهم أنفصلوا
ومازالوا للأن على تواصل بالرغم من أن كل واحدا منهم قد شق طريقة
ويعيش حياته ولكنهم لم يستطيعوا النسيان
وهناك أخرون أستطاعو التغلب على ذالك ويعيشون حياة سعيدة ومستقره ...
في النهاية الزواج قسمة ونصيب..
وما كتبه وقدره الله سيكون
أتمنى السعادة والخير للجميع
كل الشكر والتقدير لكِ
دمتِ بخير

[طائر الجنوب]

قصه مؤلمه وحزينه حقا بس اكييد هذا تصرف غير مقبل لان الذي يحب شخص متوصل انه يقتله ويقتل نفسه فهذا انتحار وحرام وهو مو الول واحد متزوج الي يحبها هذا شيء ممقسوم

علي فكرة القصة دي شدتني جامد وحقيقي دراما عالية جدا وتنفع ينعمل منها فيلم كامل...انا بتكلم بجد والله...بس للأسف الشاب كان محتاج حد ينصحه ويوعيه علي الامور وكذلك ام البنت التي عاندت في الاصرار علي حرمان الطرفين من بعض رغم علمها الشديد بحبهم...وبعدين الحب دا هما اللي هيكملوه بزواجهم ويعيشوها علي الحلوة والمرة طالما راضيين فهذه حياتهم ...فالام غلطانة غلطانة
وأقول لمثيلاتها (( الحب من الله ليس من انفسنا...انما نحن عامل لتقويته فقط...واذا كان امامي طبق من المش _الجبنة القديمة يعني_ وأنت تقولين لي دي مالحة..هرد عليكي وأقولك بس عجباني...هكذا الحب يعجب أصحابه فدعي من يحب يحب لكن في حدود أصيلة ... حتي لا تتحملي عواقب أخري ))
وجميل الموضوع ياعسل وعلي فكرة انت بقيتي هايلة في اختيار موضوعاتك ... بحييكي علي الجمال دا وتقبلي مروري.

[سعدالجابري]

القصة مؤلمة جدا جدا
كثير من ا لناس من مرت به ضروف مشابهة اوربما اكثر بسبب عدم مبالات الاهل وهناك كثير من الفتيات من تتعرض للبيع مع الاسف من قبل الاهل ويحسبون انهم اعرف بمستقبلها
ولكن هل الانتحار هو الحل
حلول كثيرة ولكن الياس في بعض الاحيان يسيطر على الانسان
والنتيجة مولمة خسارة الحياة وجهنم الاخرة
تقبلي المرور وشكرا

[العنـــود]

جميعهم يفتقدون للوعي , ويحتاجون للنصح والإرشاد
الأم وكأنها تعلم الغيب وتجزم بإنه إذا كان شرطيا سيموت وإذا كان مهندسا سيعيش
غريب ذلك التفكير
والأهم من ذلك لابد من تدخل أطراف في حل القضية ومن لهم تأثير على الوالدة
ولكن دائما ابن أدم عجول يحبُّ إستباق الأمور والحدث
وعندما تظهر النتائج يتمنى الأمر لم يحدث
فمن الإساس لابد أن يكون هناك طرفا ثالثا لإقناع الأم ,فإذا وصلت لمرحلة اليأس
لابد من التسليم بالقضاء والقدر ومايدريكم لعل في الأمرِ خيره
ولكن تلك النهاية المأساوية تدل على جهل وتخلّف الجميع
إبتداء ً من تفكير الأم البدائي مرورا بعدم تصرف البنت بطريقة ٍصحيحة إنتهاء ً بجنون الشاب
والنتجة المؤلمه .
.,.

شكرا لكِ
العنود

[الحــر]

لا حول ولا قوة الا بالله العلي العظيم

كثير ما وقفوا الاهل الاب والام خصوصاً في معرض ألا خير في طيرق ابنائهم مع الاسف
وكم عانينا من هذه المصائب والمآسي

وضع بالرغم من انه يفتقر الى روح الايمان والتوكل على الله
الا انه ينع من مجابه للواقع المر الذي فرض عليهم

كل الشكر وخالص التقدير لصاحبة القلب العفوي المفعم اسيرة دمعتي ,,,

وفقك الباري

الحـر ,,,