دكيت باب الوطن وبوابه مسدوده


ومنفتح باب انزلن دمعاته بخدوده
صب الدمع واشتكى من دون ما يحجي
صعبه علي من شفت عين الوطن تبجي
آه يا وطننا الحلو راحت حلاتك
راحت وصارت قطع سوده على الحياطين
اه ياوطنه الحلو يازين ياغالي
مو انته الاول جنت ليش اصبحت تالي
الناس جانت كبل تتوسل تشوفك
هسه صفت بلعكس تتوسل تعوفك
اه ياوطنه الحلو يلزين يلغالي
مو انته الاول جنت ليش اصبحت تالي
ابجي على بلدي ابجي على بغداد
علمتحف ابجي انه التاريخ والامجاد
ابجي على الصحفي وابجي على الفنان
وعلماي ابجي انه والشجر والاغصان
ابجي انه علقتل مابين هلخوان
وابجي انه علغدر وعلاسه الجيران
ابجي على مذهبي وابجي على ديني
علقبله صار الذبح بيد لمخاويني
نذبح بعضنا ذبح والاجنبي المحتل
نتوسله بلبلد يبقى ولايرحل
السبب خوف الشعب من حرب اهليه
ومن معركه قادمه سنيه شيعيه
المن يكون النصر والمن يكون التاج
ويامذهب الينتصر وتحج اله الحجاج
من ياترى المنتصر لوفاض بينه السيل
هذا العراق الحلو بيه الزمان اندار
ولو نار هسه انطفت تشتعل باجر نار
الليل ذاك الحلو ليجنن ابغداد
اصبح يضيك الخلك وايامه ماتنراد
والماي ذاك العذب ماعاد نفس الماي
روجاته يبجن دمع واحزان بيهه هواي
الصار بينه وجرى مايخطر على البال
ومو كل دمع ينبجي ولا كل حجي الينكال
بسبب وبلا سبب نتكاتل عله المال
ونسينه عدنه وطن واجروح بيه اشكال
هذا العرااااااااااااااااااااااق الحلو ماغيره حبينه

__________________



__________________
عـمـوري ابـنـي طـلــع مـــارد الـــه يـومـيـن
ســألــت كــل الـبـشــر عـمــوري ابني ويـن
كلـمـن يـجـاوب شـكل زيـن الجـواب وشيـن
واحد يكلي قتلته القاعده وجيشها الشيـن
واحــد يـگــول مـعـتـقـل يـطـلـع بـعد سنتين
واحـد حـجـالــي عـمــر اعــرف طريقه منيـن
ودانــي لـلـمـشــرحـه وخبـرنــي ادور زيــــن
ولـگـيــت 100 عــمــر ولـگـيـت 100 حسيـن
ولـگــيــت كــل الـوطــن يـلـطم على الخدين
مـــادام نـبـجـي ســوى مـنـهـو كـتــل الاثنـيــن؟!!!





منقول