يا شايل الراية

[مصطفى المالكي]

يا شايل الراية.........يا شايل الراية
هذه انه زينب جيت الك متعنيه شجايه
يا شايل الراية..............يا شايل الراية
يا بو فاضل جفيل انته
ونا بحماك مهيوبه
شبل حيدر واعرفك زين
ما واحد گرب صوبه
اشوف ارجال خويه وخيل
علينه اليوم مگلوبه
سولفلي خويه اعله وضع وتباصر ويايه
يا شايل الراية..........يا شايل الراية
يبو فاضل سمعت حسين
اخوك ايكول انه بهل مسه خطار
وگبل غيبة شمس باجر
اغيب وتهجم الكفار
وصواويني يسلبوها
وبيهه تشتعل النار
وبعدالخدر يابو الفضل اروح اسبايه
يا شايل الراية.............يا شايل الراية
يبنت حيدر شنهو الخيل
شنهو الزلم وتهمج
لشتت كل كتايبها
وفن واحد الوصل يمج
وگر عينج انا باجر
اخوج واحرس اخيمج
وعذرا الج يا بنت علي لو سالت ادمايه
يا شايل الراية ......يا شايل الراية

عذرتك يا كمر هاشم
وعليك الدمع هل سلته
الك لمن اتعنيتك
وبالعين السهم شفته
وشفت العلم فوك الارض وجفوفك ارمايه
يا شايل الراية ....يا شايل الراية
هذانه زينب يل جيت الك متعنيه شجايه
يا شايل الراية...يا شايل الراية

تحياتي

مصطفى العراقي

[حيدر القريشي]

صح لسانك اخويه مصطفى
وعاشت ايدك حبيبي
تقبل مروري المتواضع
وتقبل تحياتي

[ام فيصل]

قصيدة حوارية رائعة يامصطفى

صح لسانك عزيزي وبارك الله فيك

تحياتي لك

السلام عليك ياقمر بني هاشم

[الشاعر ماجد الدعمي]

احسنت اخي مصطفى قصيده ولائيه جعلها الله
بميزان حسناتك ولك تحياتي

[مصطفى المالكي]

صح لسانك اخويه مصطفى

وعاشت ايدك حبيبي
تقبل مروري المتواضع

وتقبل تحياتي

حيدر القريشي

لكم اشتقت الى اطلالتك الجميله
على متصفحي
شكرا لمرورك الجميل وكلماتك الاجمل

تحياتي

العراقي

[مصطفى المالكي]

قصيدة حوارية رائعة يامصطفى

صح لسانك عزيزي وبارك الله فيك

تحياتي لك

السلام عليك ياقمر بني هاشم

ام فيصل

من دواعي سروري تواجدك الجميل في متصفحي

شكرا على هذه الاطلاله الجميله

تحياتي

العراقي

الله عليك يامصطفى
عاشت ايدك

يسلموووووووووووووووووووووووووووووووووووووووووووووو ووو