مطارده شعريه بالدارمي .........

[بنت البصرة الفيحاء]

مشتاگـ الك مشتاگـ
وبگلبي حسرة
بيه كسر يهواي
وانته التجبرة
وسلامتك اخي الغالي حيدر وهس اني اروح للدوام ونكمل على الجايات
تحياتي

[حيدر القريشي]

هلبت تحبني حيل بس حبي أكبر
لو غبت بس لحظات مااكدر اصبر

ترجعين بالسلامه اختي بنت البصرة
تحياتي الج

[محتاره]

روحي بسرير الموت واتكول اريدك
ماتقبل بدكتور بس لمسة ايدك

جرحين الك بجلاي هم تدري بيهن
كل هذا وابجي عليك ثق موعليهن

[بنت البصرة الفيحاء]

نتمنه آنه اوياك
بين الحضرتين
نشتم هوه العباس
ونزور الحسين

[حيدر القريشي]

ناذر وحكَ عيناك من اتشوفك العين
ابقى انه اوزع الماي يم باب الحسين

[محتاره]

نايم وافز فزات مثل المجانين
وكل ما اغمض العين احلم بالحنين

مح ـتاره

[سلام الدراجي]

نايم وافز فزات مثل المجانين
وكل ما اغمض العين احلم بالحنين

نايم انه والله بس فكري يمك
واتمنى من دنياي بحضني اضمك