مطارده شعريه بالدارمي .........

[بنت البصرة الفيحاء]

كون افترج ولكاك اتنوشك ايدي
وظفر الكصيبه وياك اظفر وريدي

وتحياتي الى امير والغالية محتارة

[محتاره]

ياروحي تشتاكين للكلبه خالي

ظلي على جمر الشوك روحي وتعالي

تحياتي الج عزيزتي

[بنت البصرة الفيحاء]

يمكن أريد أنساك وأكول أعوفك.... وكل الحجي أنساه يوم الاشوفك

[خالد الفهداوي]

كلبي كتلني اليوم كلبي سباني
والدهر بيه دار وعنك رماني

[بنت البصرة الفيحاء]

ياراحة ياأفراح تلتم عليه.... غير القهر وأحزان هواللي بيه

[خالد الفهداوي]

هم حزن هم فراك وهم هم الايام
وعيني من فركاك ماتكدر تنام

[امير الربيعي]

ماادعي ع البذات بالذل والهموم
ادعي عليه يهيم ويحب فرد يوم

[بنت البصرة الفيحاء]

مل مني حته الليل
والگمر شاهد
بس بيك افكر دوم
للفجر گاعد