وعني

الله يارحال وعليهم

الك سرداب بكليبى ولك خان
وابد مايوم حب غيرك ولك خان
اذا شعرى بتعابيره ولك خان
السبب مو بيه حسنك عم عليه

[سجاد الرحال]

شوكَي كفته دكَــت ماشفيته
وفاهي ابلثم شفتك ماشفيته
كَلبي اليوم رفرف ماشفيته
اذا حام اعله بيتك رده ليه

ميت والعشك ردني وحياني
دنك باسني بخدي وحياني
سئلني وگتله بصراوي وحياني
أشك الگاع لو عالو عليه

[سجاد الرحال]

جميل حياج فاتن

قسم بالرمت جيش ابرها من عال
مريض انه بودادك صـــرت منعل
تعيـل انتـــه وتكَلــي علـــي منعال
عيــــــــل ابراحتــــك ياتـــرف بيه


(بقلمي)

يل كلك عشـــك وبحبــــــــــك شراها
زرعت الخير اوحـــــــــــاصد شراها
اشري الباع روحه والروحك شراها
وبهجرك توسد للمنيه

[سجاد الرحال]

بسجاجين البعد حــــدي ووشري
وابيع الروح لجل اهواج واشري
يفاتن بيعــــــي البـــــذات وشري
كريم النفس ماتلكَين اذيه


بقلمي

على راسي اعتني بيتك واجيلك
لأن بس انته أحترمك واجلك
حسنك منوجد بهلك وجيلك
وعبرته ليوسف بحسنك شوية

[سجاد الرحال]

نقدر كــــل كلامـــك منته خلنه
وكَبل خاوينه غيــــرك منتخلنه
نموت بدار غربـــــه من تخلنه
يل كلك وفه ورقه وقابليه


(بقلمي)