مطارده شعريه بالدارمي .........

[بنت البصرة الفيحاء]

گلب الوفي صندوگـ
وبيدك المفتاح
أمن اسرارك بيه
وبنومك ارتاح

وتحياتي الك دكتورنا الغالي

[سلام الدراجي]

گلبي انزرف هاليوم ما اصبر اني
ما رد لي المحبوب وحدي خلاني

[مريم جبران عودة]

يا ما انتظرنا سنين منهم إشارة

عمري أنطيه اليوم لليحمل بشارة

[حيدر القريشي]

هيمه ودرب عاكَول والدنيا تمطر
محبوبي راح بعيد وخلاني انطر

تحياتي للجميع

[خالد الفهداوي]

راح و نسه الايام راح و نساني
سافر حبيب الروح وحدي خلاني

[امير الربيعي]

ياهم تشيله الروح ياهم تحطه
كلما أصفي الماي دهري يخبطه

[بنت البصرة الفيحاء]

هم تظن يوم انساك
واتخله عنك
مرتبط گلبي اوياك
والنبض منك

[خالد الفهداوي]

كلما افكر بيك تكثر محبتك
من غبت عني اليوم بالحلم شفتك