مطارده شعريه بالدارمي .........

[سلام الدراجي]

هاك الگلب والعين حيدر من تروح
وخل عيني تشبع بيك وتتشافه الجروح

[حيدر القريشي]

حاير شرد عليك يا اغلى الاحباب
حبك فتحلي اليوم ميه والف باب

[سلام الدراجي]

بابي يضل مفتوح للغالي حيدر
ولو راد مني الروح انطيهه واكدر

[حيدر القريشي]

روحك يبعد جلاي روحك وروحي
سلومي ماي العين طيّب جروحي

[سلام الدراجي]

ياحيدر اتمناك هسه انه يمك
وبيدي اضمك حيل ورفعه الهمك

[حيدر القريشي]

الاخ الغالي سلام الدراجي
اعتذر عن التأخر بالرد لاسباب فنيه

كل جرح من فركاك دمر حياتي
ترضي يبعد الروح تسبب مماتي

[سلام الدراجي]

الاخ العزيز حيدر الغالي
وعليكم السلام ورحمه الله وبركاته
عوده ميمونه
ياحيدر العينين ما تقبل اتنام
من انت ما رديت صار ثلث ايام
تحياتي

[حيدر القريشي]

مو بيدي يالدكتور صدكني محتار
يوميه نص الليل شاغلني الانذار