مطارده شعريه بالدارمي .........

**حيدر القريشي** · 16-10-2009

يركض ركض مشتاكَ كَلبي على طاريك
شتّظن اليه يعود لو لامس ايديك

**بنت البصرة الفيحاء** · 16-10-2009

كلي يابعد الروح موقف حضرتك
كاعد بوسط الكلب قابل غرفتك
وسلامتكم
الكاف للذي بعدي

**حيدر القريشي** · 16-10-2009

كل الم بيه يروح من اذكر اسمك
واشفى واطيب بساع من طيف رسمك

**محتاره** · 16-10-2009

كلما اكول انساك ارجع اذكرك

مو بالعظيم ويطيب بالكلب كسرك

**ابو علي الصكر** · 17-10-2009

كوم ارضع من النوك مالح لبنهن

بلجن يغزر بيك وتحن مثلهن
\\\\\\\\\\\\\\\\\\\\\\\\\\\\\\
مع الف تحيه لصاحبة الموضوع0

**بنت البصرة الفيحاء** · 17-10-2009

نتراهن انه وياك وخلهم يحكمون من كثر دمع بجاي ماظلت عيون
مع تحياتي لشاعرنة الغالي الا خ ابو علي الصقر وياهلة بيك

**سلام الدراجي** · 17-10-2009

ناضلت كل الراح بس ارد اكلمك
وبعمري كله افديك بس خلني يمك

**سلام الدراجي** · 18-10-2009

كافي سباق اليوم محد وفالي

الروحي ارد اردود هذا انه حالي

حرف الياء

اذا لم تكن لديك عضوية معنا, اضغط هنا لتسجيل عضوية جديدة مجانا!