مطاردة شعرية (بالابوذية )

تمر بالطيف اليه بحلم ... واعي
ونه المانام جفني عليك ... واعي
يمرضني السهر يهواي .. واعي
بس جلد وعظم يبقى انه بيـــــــه

تحياتي للغالين ... حرف النون

مساء الليل الهادي وحبكم بالكلب باقي

وحرف النون

نبض كَلبي يصيحن حيل بس عود
بنحس عايش ولا فد يوم بسعود
ذبل وردي يناهي وباقي بس عود
بعد ما جان يزهي انكَطع ميّه

حرف الخاء

مساء الخير يالغاليين اشو غايبين ماكو ردود

شنو صابكم جفاف حرف الخاء نكول

خلبص والعب بكيفك وشربك
وبان الغيض بعيونك وشربيك
أجرعك لوچنت حنظل واشربك
وأحبك لو چنت چتال اليه

وسلامتكم
حرف حرف الزاء

مراحب للجميع

زعلكم عاف بالدلال ... غربه
وشمس حبكم جفت بسماي ... غربه
الف وسفه حجي العذال .... غربه
الف وسفه الحمامه تصير حيه

تحياتي لكم
حرف القاف

مراحب وكل الهلا بيكم

حرف القاف

قلبي صوجه ياصاحب من ورا ايدة

صديقى وظل غدر ينبض وريدة
غدرني الجنت احبنه واريدة
ووفالي الجنت اظنه يخون بية

وسلامتكم

حرف ح

حبيبي امن العتب أرجوك بس بس
ومنو البذنك يبعد الروح بس بس
إذا عندك العشرة اتريد بس بس
تعال وتنتهي كل القضيه

حرف العين

هلا وغلا ياايليا والله منور

عطشان وانه بوســــط بيران
وحق الرضا المـــدفون بأيران
أريد أحفر بوسط الكلب بيران
ما عوفك مــــدام النفس بية

حرف الواو

وسلامتكم يالغاليين عليه

[اسماء علي]

وحق الله اكومن اجلالا لحسنك وقف لك
واسجل الكلب ياخلي وقف لك
واحطك بيه وقفلنه وقفلك
واطب بصدري واقفلكم عليه


كلمن يحب ان تتواصل معنا مشرفتنا الغالية
علينا كلنا يسجل ابوذية هنا في موضوعها
مطاردة شعرية بالابوذية واتمنى من الجميع
المشاركة مع تحياتي وحبي لكم

اسماء علي من المعجبين بالمتالقة
( فاتن وهيب )