مطاردة شعرية (بالابوذية )

طلبتك ماكلتلى ابشر ولا هاك
شجاك وغيرك عنى ولاهاك
ضميرك لازم يانبك ولاهاك
هم يحاسبك باجر عليه

مساء الخيروالعافية


وحرف الجيم يابروكان اكتبلك واكول

جارى الاتصال وياك جارى
يمن حبك نهر بالروح جارى
وين الله وتصير بيوم جارى
احنى الباب والحايط سويه

حرف الهاء وسلامتك

هديه اهديلك الدلال ... قبله
يمن ما عشك كلبي بيوم .. قبله
لون بشفافي من شفاك ... قبله
روحي وكلبي انطيهم هديه

سلامي للجميع
حرف النون

مساء الغلا وكل الهلا وحرف النون

نشدت الناس عنك وانت هينه
وعلى فركاك تلفنه وأنتهينه
الكلب أنت تعذبه وانت هينه
ويظل اسمك غالي عليه

مع تحياتي

حرف الكاف

مساء الورد على الطيبين ... فاتن كافي من حرف الكاف حبوبه شلعتي كلبي بيه

كافي من حروف النون والكاف
بمزاجي ما بقت اشعار والكاف
تره مسودن اصيرن بيك والكاف
ترضه الناس تتفرج عليه؟

تحياتي .. وعلى كولتك عليهم

حرف الواو

هههههههه مو بيدي احب هلحرفين وتدلل بعد مااكولهن

وحرف الواو اكول

وحك صفين والخندق وحطين
لميش الراس بغيابك واحط طين
اطير من الفرح صدك واحطن
اذا بالحلم مرة تمر علية

وسلامتكم

حرف الياء

هههههههه تسلمين يالغاليه ... تره اني مو قوي بالابوذيه واول مره اكتبها من اجيت لمنتديات الفرات ولا اكتب ابوذيه من غيري والابوذيات الي اكتبها كلها تجي بوقتها لأن بصراحه ما احفظ يعني علكيفج وياي

وتدللين حرف الياء يجرالك

يرف رمشي عله طيفك من يمرنه
واطيع شينطق السانك من يمرنه
لون لا حتك جمره ...من يمرنه
تكب وتشتعل وتعم عليه

تحياتي الك يا غاليه ... طبعا اشاقه وياج اي حرف تحبيه هوه امر ويتنفذ

حرف الميم

حياك وماشاء الله عليك مبدع ومقتدر وحرف الميم ارد عليك واكول

من شاف الحسن حسنك شهدلك
و دز غيمة نحل تمطر شهد لك
اهد روحي وبعد مدري شهدلك
اهد كلشي واجيك ازحف بديه


وحرف الف اريد منك ياابن البصرة الزهية

وسلامي لاهلها

سلامك وصل يا فاتن العزيزة ... ولك حرف الالف مع خالص امتناني

اخذ مني الف انطيك والاف
يخي مامش ولف وياي والاف
اهيم وي الوحش بجفاك والاف
طبع الصحرا من تبعد عليه

تحياتي وسلامي لك
حرف العين