مطاردة شعرية (بالابوذية )

مشكور يابروكان والف هلا وغلا وين هالغيبة
والك حرف الراء وتدلل علينا

ردتك ترد عليه اليوم وتقارب
لاني شكيت بحرفك مقارب
لشخص عزيزبعيد مقارب
بس للاسف ظنوني مو هيه

وسلامتكم

حرف اللام

[ابو نرجس الحلي]

لا ابد متغيرت بعدي كمانه
وفالح بعده يطربني كمانه
شكد عانيت من حبك كمانه
وهسه ارتاح كلبي من الاذيه

تحياتي لكم ......حرف الميم

تحياتي لأستاذي الغالي ابو نرجس ويدلل عليه بحرف الميم ... وتحياتي لفاتن العزيزة وشكرا لأفتقادك لغيبتي
وتدللون عليه ثنيناتكم ...حرف الميم

مريت عله جرف هواي ... مره
وذكرت احنا كعدنا هناك... مره
شربت من الزمن كاسات... مره
بكل نسمة هوه مرت عليــــــــــه

تحياتي للجميع ... حرف التاء

مساء الغلا وحرف التاء

تهشم راس گلبي بيه هشم بيك
أخباري ماتسرك بيها شنبيك
ثغر شفتك حبيبي بيها أشم بيك
ريحة خوخ فاتح للشهيه

حرف الغين

وسلامتكم

مساء النجوم والليل الهادئ على الغالين

غايب صار الك سنتين ماجاي
وكلف موج العتب يهواي ماجاي
اصبر عطش روحي اليوم ماجاي
وتحيا ورود دلالي عله ميه

حرف القاف لكم
تحياتي

احلى تحية وحرف القاف

قسم بالشوك مايخلف وعدلي
وكثير عهود سامالي وعدلي
عدل ماظن عدله وعدلي
مثل ماباع ودي ايعود اليه

وسلامتكم

حرف الثاء

احلى تحيه لك ومساء الخيرات يا فاتن العزيزه

ثراكم مسك دلالي ولي طاب
وهواكم مرهم جروحي ولي طاب
بعدكم شلي باليطلع ولي طاب
مدام انتم سكنكم بين اديه

حرف الجيم لو يسمح وقتكم

[ابو نرجس الحلي]

جيت وبعت سري الك بالذات
بس انته ياحسافه طلعت بالذات
الخلل مو بالوكت يفلان بالذات
وفرق بين الوفي والذاته رديه
سلامتكم ....حرف الطا