مطاردة شعرية (بالابوذية )

من عيوني حرف النون وتدللين


نمت بعيوني يامن الك عــناي
الك يرخص جدم لو جاك عناي
عجب ما تسأل الشمات عناي؟
عجب ما كالو الي صار بيه؟

تحياتي
حرف التاء

والك حرف التاء

تداين كلــــبي قلم و ورقه منك
لأن ماكو بجمالك ورقه منك
باسجلك انت الأول ورقمنك
وأكتب لافته محجوز اليه

وعليهم

حرف الثاء

مع تحياتي

لم امنع نفسي من الابتسام طربا لهذه الابوذيه الرائعة
ولك حرف الثاء

ثمن حبك اذيه وقهر والام
ولا طبعي طبع خوان والام
بعد تونه بدينا بالف والام
لعد كلي نهايتنه شنيه

حرف الضاد
وتسلمين

ضكت حلوك حبيبي وضكت......ما راك
وانه بغي التجافي الحيــــــل.....ما راك
يضيج الصدر يوم البيـــــــه.....ما راك
وينطيني عذولي الحك بديه

حرف الحاء

مشكور ياغالي

[ابو نرجس الحلي]

حبيبي الما عليه الروح ......عزيت
خذلني وكلبي بيه اليوم ....عزيت
شجاك تقرب من النار ........عزيت
وبعد شتسوي بيك الطائفيــــه

تحياتي ...الطاء

يدلل ابو نرجس الغالي

طريق الحق صعب يندار جده
وعلى اليمشيه يبذل وسع جده
بخيت الي لحك باثار جــــــده
وتبع طيب النسب بافعال ابيه

تحياتي يا استاذنا ابو نرجس
حرف الكاف

مساء الخير والعافية وحرف الكاف

كل ساعة بسهام الروح تنصاب
عكب عزهة عليهة انذال تنصاب
علي صبت مصايب لون تنصاب
على الايام صارت ليال هية

وحرف الجيم

وسلامتكم

مساء الخيرات والعوافي ... وحرف الجيم

جبت عمري بغرامك صار ماصار
وردت قصه هوانه يصير ماصار
اذا ردت الهجر يهواي ماصــــــر
روح بعيد وتركـــــــــــلي الاذيه

وتسلمون
حرف الثاء