المليون دارمي .. تنفرد فيها منتديات الفرات

[الكناري يونس الجبوري]

روحي تظل تهواك يبيض يحباب
وروحي عگب عيناك ماتسوى سكراب

[الكناري يونس الجبوري]

روحي تظل تهواك يشگر يبو زلوف
وكل لحظه احلم بيك محنّي الچفوف

[الكناري يونس الجبوري]

روحي تظل تهواك وهم تعشگ امك
واتمنى انت عطور بانفاسي اضمك

[الكناري يونس الجبوري]

روحي تظل تهواك وتعشگ عمامك
اتمنى روحي نخاع وتشد عظامك

[الكناري يونس الجبوري]

راح انتظر مليت صعب انتظارك
چنت اعتقد يازين كلنا نتشارك

[الامير العراقي]

مر مره مر يفلان بس خل نشوفك
ومن العذر معذور نعرف ظروفك

[الامير العراقي]

شنهو العسل وياج مايسوى فلسين
ألعسل ضاكج كال هذا الحلوو أمنين

[الكناري يونس الجبوري]

گلبي مجانا جاك انجن وانجبر بيك
ان ما ردته خله وياك عوفه يناغيك