وعني

[سجاد الرحال]

احبـــك لو تصيـــر النــــار انته
وكَلبـــي عليـــك ابدمتهيــــدانته
سلبت عقلي وصبري وياك انته
تعال الروح تتناك برجيه

بقلمي

من مثلي بحر الشوگ جايات
ومن دمعي جميع السفن جايات
إشربت عند الحبيب اليوم چايات
مخدر بالغرام ونبع ميه

[سجاد الرحال]

روحي عليــــك من البعـــد مايات
وصرت من كثرشوكَي الك مايات
اشربت جايـــك هنيئا ودلي مايات
احس ناري عليك اسعرت بيه

بقلمي

الله يارائع


يعاذل نار شوكَي هل تمسني
إهديني الشوف حبي والتمسني
بجه من مد يمينه والتمسني
لكَاني نفس ما مش جسد بيه

[سجاد الرحال]

بس النفـــــس من فركّــــــاج ضليت
وبشوكـــــج يفاتــــــن تهـــت ضليت
صيري من لهيب العشــــكَ ضل ليت
لأن نــــاره ســـــرت وسعــــرت بيه

بقلمي

تحياتي

مثل ظل النخل فوكاگ ضليت
وعن دربك ابد مايوم ضليت
ليل انهار اسولف بيك ضليت
عزيـــــز وفرگتك تصـعب علـيه

[سجاد الرحال]

النخل شامخ يضل ضله وفيه
بوصالك تسدكـــل خلـــه وفيه
روحي وياك ابد متمــــل وفيه
لان طبعك وفه ونفسك ابيه

بقلمي

آنه الخابُطك بيدي وصفاك
وحرت شنطيك من ميزه وصفاك
حبيبي شوصف أعيونك شصف فاك
جنه ونار جامعهن سويه