مطارده شعريه ب(((الدارمـــــــــي)))

ياراحة ياأفراح تلتم عليه
غير القهر وأحزان هواللي بيه

مع سلامي يالغاليين عليه

[شاطئ السلام]

اجمل صباح اليوم وبعمري بس هاي *** شلت الغطه وفزيت لن عيني بهواي.

تحياتي للجميع

هلا وغلا بااميرة الروح والك الياء

يايوم افز والكاك باحضاني غافي

ياجوري يارمان ياعسل صافي

مع سلامي

[شاطئ السلام]

لوگتلك انه أنساك أحســــبني چذاب
وأنت أغله من الروح وأغله من الاحباب

شكرا غاليتي فتونة
تحياتي للجميع

[الشاعر محمد الحميداوي]

هله باميرة الروح وكل الطيبين في هذا المنتدى واتمنه مازعلت فاتن لئن كلت اني احله منهه لها كل الود والاحترام

ماانسه ابد هيهات لو كطعوني
التم واكوم النوب حبك جنوني

-------ي-----
مع تحياتي الى كل المبدعين

صدقوني غلاتكم فعلا بغلاة عيوني

فتونه000محمد 000اميره

انتم اخوتي اصبحت جزء منكم00حينما ادخل واشاهد درركم
التي نثرتموها في محراب الفراتين
احس ببهجه ماتقابلها بهجه
شكرا لكم00ياربي ديم هذي الخوه
من اين تجد هكذا اخوه في هذا الزمن المادي
سلمتم وشرفتم واسعدتم
00000000000000

ياهو اليريد ايشوف شتسولف الروح
انتم ضوه للعين بلسم للجـــــــــروح

--ح--

[الشاعر محمد الحميداوي]

هله بابو الليث المبدع والله انك اخ عزيز وغالي ولي الشرف شخصيا بل ارتديت تاج الفخر بمعرفتك دمت اخا واستاذا عزيزاوهذا رد حرف الحاء

حاولت انه انساك لن روحي انه نسيت
بس من الناس محبوب الي صفيت
---ت----
مع تحياتي للمبدعين

[محسن المفرجي]

سلام الله ورحمته وبركاته على الجميع

(حرف الياء)
يلماشي صوب اهواي بالله ارد احاجيك
بكلبه الهواك الشوك مالحظه ناسيك

تحياتي للجميع