مطاردة شعرية (بالابوذية )

گبل مثل الحمام تحوم..يمنه
وگبل چنت اليّه الايد..يمنه
تحت جدمك الجنه صدگ..يمنه
ورضّاك من رضا الباري عَليه

مع تحياتي للغاليين

حرف الباء

بعد ما بعتك ايامي بلامال
تبعتك ما جزت منك بلامال
حرام تطيب جروحي بلامال
وتجازيني بجذبك عليه

سلامي لك يا ست فاتن
حرف السين

سهرانه اعد جروح والناس تعد مال
كل الناس حظها كعد شعجب حظي مال
كلما اهب بامل تخيب الامال
عجب يادنيا لعبج بس عليه

وصل سلامك يابطل

حرف الجيم

حرف الجيم نكول

جذب الكال عنك مرشفتك

العسل بشفاك من رشفتك

الحذر لووية غيري مرة شفتك

انتحر بيك واموتك بين ايدية


وسلاماتي للغاليين عليه

حرف الميم

ميخالف حبـيبي الذنب ذنباي
ولا تلكه الشكوتك بعد ذن باي
الخيانه وطبعك التعبان ذن باي؟
ونه الغلطان صاحــــب كل ردية؟

تحياتي لكل من تبلغه التحيه
(حرف الصاد)

مشكور يابروكان والك حرف الصاد وتدلل

صرت كهوه لحبيبي بوسط فنجان
فن انس الي يوصله فن جان
اذا العاقل نضرلك نضره فنجن
وانه المجنون وتكلي انظر اليه

حرف الكاف
وسلامتكم

تحياتي يا فاتن تأمريني بحرف الكاف

كلامك شمعتي ...وضواي حرفه
ولو صايرلك التعبير ..........حرفه
ضواك شوي عن العينين .. حرفه
لا يعميني من يسطع عليه

تحياتي الك

حرف الدال

حياك روعة وحرف الدال

دمعي جمر عله خدودي ترى سال
كطعَتّ اخبارك حبيب تراسل
انه انسليت من هجرك ترى سل
وتون الروح وتريد المنيه

حرف النون
وسلامتكم